ທະນາຄານພັດທະນາອາຊີຫຼື ADB ໄດ້ເປີດເຜີຍບົດລາຍງານສະບັບຫຼ້າສຸດຊີ້ໃຫ້ເຫັນວ່າ: ຍ້ອນໄດ້ຮັບການຊຸກຍູ້ສົ່ງເສີມຈາກປັດໄຈພາຍນອກດ້ານຄວາມຕ້ອງການການຄ້າ ແລະ ການທ່ອງທ່ຽວ, ຄາດຄະເນວ່າປີ 2024 ແລະ ປີ 2025 ເສດຖະກິດລາວຈະຄ່ອຍໆຈະເລີນເຕີບໂຕຂຶ້ນ.

ບົດລາຍງານ “ຈ້ອງມອງເບິ່ງການພັດທະນາຂອງອາຊີປະຈຳເດືອນເມສາ 2024” ຂອງທະນາຄານພັດທະນາອາຊີຄາດວ່າ: ລວມຍອດຜະລິດຕະພັນພາຍໃນ ຫຼື GDP ຂອງລາວໃນປີ 2024 ແລະ 2025 ຈະເຕີບໂຕ 4%. ການເຕີບໂຕຂອງຂະແໜງການບໍລິການຈະໄດ້ຮັບການຄ້ຳຊູຈາກຄວາມຕ້ອງການພາຍນອກ, ຄາດວ່າໃນປີ 2024, ຍ້ອນໄດ້ຮັບການຊຸກຍູ້ສົ່ງເສີມຈາກດ້ານພື້ນຖານໂຄງລ່າງເຊື່ອມຈອດກັນ ແລະ ປັບປຸງດີຂຶ້ນ, ນັກທ່ອງທ່ຽວຕ່າງປະເທດທີ່ໄປທ່ຽວປະເທດລາວຈະບັນລຸເຖິງ 4,2 ລ້ານເທື່ອຄົນ.

ແຕ່ວ່າ, ຄວາມກົດດັນດ້ານເສດຖະກິດມະຫາພາກຍັງຈະສ້າງສິ່ງທ້າທາຍຕໍ່ເສດຖະກິດຂອງລາວໃນອະນາຄົດ.