ສື່ມວນຊົນຮົງກາລີລົງບົດຄວາມຂອງທ່ານສີຈິ້ນຜິງ

2024-05-08 14:39:39 cri


    ວັນທີ 8 ພຶດສະພານີ້, ເນື່ອງໃນໂອກາດທີ່ທ່ານ ສີຈິ້ນຜິງ ປະທານປະເທດຈີນຈະເດີນທາງໄປນະຄອນຫຼວງບູດາເປດເພື່ອຢ້ຽມຢາມຮົງກາລີທາງລັດຖະກິດ, ໜັງສືພິມຊົນຊາດຮົງກາລີໄດ້ລົງບົດຄວາມຂອງທ່ານ ສີຈິ້ນຜິງ ທີ່ພາດຫົວຂໍ້ວ່າ: “ຮ່ວມກັນນຳພາສາຍພົວພັນລະຫວ່າງຈີນກັບຮົງກາລີກ້າວເຂົ້າສູ່ທາງເດີນເຮືອຄຳ.”

    ເນື້ອໃນບົດຄວາມຂອງທ່ານສີຈິ້ນຜິງ ລະບຸວ່າ: ປີນີ້ເປັນປີຄົບຮອບ 75 ປີແຫ່ງການສ້າງຕັ້ງສາຍພົວພັນທາງການທູດຈີນ-ຮົງກາລີ, ຕະຫຼອງໄລຍະ 75 ປີຜ່ານມານີ້, ຈີນ ແລະ ຮົງກາລີໄດ້ຍຶດໝັ້ນເຄົາລົບນັບຖືເຊິ່ງກັນແລະກັນ, ປະຕິບັດຕໍ່ກັນຢ່າງສະເໝີພາບ ແລະ ຕ່າງຝ່າຍຕ່າງໄດ້ຮັບມີຜົນປະໂຫຍດ, ສອງຝ່າຍໄດ້ສ້າງຄວາມໄວ້ເນື້ອເຊື່ອໃຈກັນດ້ານການເມືອງທີມີລະດັບສູງ, ສາຍພົວພັນລະຫວ່າງສອງປະເທດໄດ້ກ້າວເຂົ້າສູ່ໄລຍະດີທີ່ສຸດໃນປະຫວັດສາດ. ປັດຈຸບັນ, ຈີນ ແລະ ຮົງກາລີລ້ວນແຕ່ພວມຢູ່ໃນໄລຍະສຳຄັນດ້ານການພັດທະນາຂອງຕົນ, ຂ້າພະເຈົ້າຫວັງໃຫ້ຜ່ານການຢ້ຽມຢາມເທື່ອນີ້, ຮ່ວມກັບຮົງກາລີສືບສານມິດຕະພາບທີ່ມີມູນເຊື້ອກັບ, ລົງເລິກການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ, ຊຸກຍູ້ໃຫ້ສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນກັບຮົງກາລີກ້າວຂຶ້ນສູ່ລະດັບໃໝ່.

    ບົນຂະບວນການໃໝ່ໃນຍຸກໃໝ່, ຈີນຄອງຄອຍຈະຮ່ວມກັບເພື່ອນມິດຮົງກາລີຂຽນເລື່ອງລາວມິດຕະພາບໃໝ່, ຂຽນປະຫວັດສາດໜ້າໃໝ່ດ້ານການຮ່ວມມື, ຮ່ວມກັນສ້າງອະນາຄົດອັນດີງາມໃຫ້ແກ່ປະຊາຊົນສອງປະເທດ.