ເນື່ອງໃນໂອກາດທີ່ທ່ານ ສີຈິ້ນຜິງ ປະທານປະເທດຈີນເດີນທາງໄປຢ້ຽມຢາມຮົງກາລີທາງລັດຖະກິດ, ພິທີເລີ່ມອອກອາກາດລາຍການ “ຄໍາບູຮານທີ່ທ່ານສີຈິ້ນຜິງມັກ” ສະບັບພາສາຕ່າງປະເທດ ທີ່ຜະລິດໂດຍວິທະຍຸໂທລະພາບສູນກາງຈີນ ຫຼື CMG ໄດ້ຈັດຂຶ້ນຢູ່ນະຄອນຫຼວງບູດາເປດໃນວັນທີ 8 ພຶດສະພານີ້. ທ່ານ ປານ ສະມິດ ອະດີດປະທານາທິບໍດີຮົງກາລີ, ທ່ານ ປີເຕີ ເມດເກຊີ ອະດີີດນາຍົກລັດຖະມົນຕີຮົງກາລີໄດ້ສະແດງຄວາມຊົມເຊີຍຕໍ່ການອອກອາກາດຂອງລາຍການດັ່ງກ່າວ.

   ນັບແຕ່ວັນທີ 8 ພຶດສະພານີ້ເປັນຕົ້ນໄປ, ລາຍການ “ຄໍາບູຮານທີ່ທ່ານສີຈິ້ນຜິງມັກ” ສະບັບພາສາຕ່າງປະເທດ ໄດ້ອອກອາກາດຜ່ານສື່ສໍາຄັນຂອງຮົງກາລີຕາມລໍາດັບ ເຊັ່ນ: ໂທລະພາບແຫ່ງຊາດຮົງກາລີ, ໂທລະພາບ ATV ຮົງກາລີ ແລະ ໂທລະພາບສູນກາງບູດາເປດ ເປັນຕົ້ນ. ນອກນີ້, ລາຍການດັ່ງກ່າວ ແລະ ວິດີໂອໂຄສະນາຍັງໄດ້ອອກອາກາດຜ່ານສື່ສໍາຄັນຂອງເອີຮົບ ແລະ ທົ່ວໂລກເກືອບ 100 ແຫ່ງຕື່ມອີກ.