ຕອນເຊົ້າວັນທີ9ພຶດສະພານີ້, ທ່ານນາງເຜີງລີ້ຢວນ ພັນລະຍາຂອງທ່ານສີຈິ້ນຜິງ ປະທານປະເທດຈີນໄດ້ຮ່ວມກັບທ່ານນາງ ຊູສຊານນາ ນາກີ ພັນລະຍາຂອງທ່ານ ຊູຢົກ ຕະມາສ ປະທານາທິບໍດີຮົງກາລີຢ້ຽມຊົມວັງບູດາວະຣິທີ່ນະຄອນຫຼວງບູດາເປດຕາມການເຊີນ.

ໃນໂອກາດດັ່ງກ່າວ, ທ່ານນາງເຜີງລີ້ຢວນ ແລະ ທ່ານນາງ ຊູສຊານນາ ນາກີ ໄດ້ໂອ້ລົມສົນທະນາກັນ ພ້ອມທັງດື່ມນ້ຳຊາທ່າມກາງບັນຍາກາດທີ່ສະໜິດສະໜົມແບບໄມຕີຈິດມິດຕະພາບ. ທ່ານນາງເຜີງລີ້ຢວນກ່າວວ່າ: ຮົງກາລີເປັນປະເທດທີ່ສວຍງາມ, ປະຊາຊົນມີອັດທະຍາໄສດີ ແລະ ຮັກແຂກແພງຄົນ. ວັດທະນະທຳຂອງສອງປະເທດຈີນ-ຮົງກາລີມີຄວາມຄ້າຍຄືກັນຢູ່ຫຼາຍບ່ອນ, ປະຊາຊົນສອງຊາດມີຄວາມໃກ້ຊິດກັນຢ່າງເລິກເຊິ່ງ, ມິດຕະພາບລະຫວ່າງສອງປະເທດມີພື້ນຖານອັນໜັກແໜ້ນ. ຫວັງວ່າ ມິດຕະພາບຂອງສອງປະເທດຈະໄດ້ຮັບການສືບທອດຕໍ່ກັນໄປແລະແໜ້ນແຟ້ນໝັ້ນແກ່ນຍິ່ງໆຂຶ້ນ.