ວັນທີ 10 ພຶດສະພານີ້, ກອງປະຊຸມວິສາມັນຂອງກອງປະຊຸມສະມັດຊາໃຫຍ່ອົງການສະຫະປະຊາຊາດສະໄໝທີ 10 ໄດ້ຈັດຂຶ້ນຄືນໃໝ່, ໂດຍໄດ້ລົງຄະແນນສຽງຮັບຮອງມະຕິ, ຕົກລົງມອບສິດ ແລະ ຜົນປະໂຫຍດໃນອົງການສະຫະປະຊາຊາດຫຼາຍກວ່າເກົ່າໃຫ້ແກ່ປາແລັດສະຕິນ. ມະຕິດັ່ງກ່າວໄດ້ສະເໜີໃຫ້ສະພາຄວາມໝັ້ນຄົງອົງການສະຫະປະຊາຊາດພິຈາລະນາຄຳຮ້ອງຂໍເຂົ້າເປັນສະມາຊິກອົງການສະຫະປະຊາຊາດຂອງປາແລັດສະຕິນຄືນໃໝ່ຈາກມຸມມອງທີ່ມີຜົນດີ.

    ການລົງຄະແນນສຽງໃນມື້ດຽວກັນໄດ້ຮັບຮອງມະຕິດ້ວຍຄະແນນສຽງເຫັນດີ 143 ຄະແນນ, ຄັດຄ້ານ 9 ຄະແນນ, ງົດອອກສຽງ 25 ຄະແນນ.

    ທ່ານຟູ້ຊົ່ງ ຜູ້ຕາງໜ້າຖາວອນຈີນປະຈຳອົງການສະຫະປະຊາຊາດໄດ້ກ່າວ ປາໄສໃນວັນທີ 10 ພຶດສະພານີ້ວ່າ: ຈີນໄດ້ເຂົ້າຮ່ວມການຮັບຮອງມະຕິຄັ້ງປະຫວັດສາດຢູ່ກອງປະຊຸມສະມັດຊາໃຫຍ່ອົງການສະຫະປະຊາຊາດໃນມື້ດຽວກັນ, ຈີນສະແດງຄວາມຍິນດີຕໍ່ການຮັບຮອງມະຕິດັ່ງກ່າວ ແລະ ສະໜັບສະໜູນໃຫ້ສະພາຄວາມໝັ້ນຄົງອົງການສະຫະປະຊາຊາດພິຈາລະນາຄຳຮ້ອງຂໍເຂົ້າເປັນສະມາຊິກອົງການສະຫະປະຊາຊາດຂອງປາແລັດສະຕິນຄືນໃໝ່.