ວັນທີ 10 ພຶດສະພານີ້ຢູ່ນະຄອນຫຼວງ ໂຣເນຍຣາ ປະເທດໝູ່ເກາະໂຊໂລມອນ,  ທ່ານ ເຈຣິໄມອາ ມາເນເລ ນາຍົກລັດຖະມົນຕີຄົນໃໝ່ຂອງໂຊໂລມອນໄດ້ໃຫ້ສໍາພາດຕໍ່ນັກຂ່າວວິທະຍຸໂທລະພາບສູນກາງຈີນ. ທ່ານ ມາເນເລ ກ່າວວ່າ: ໝູ່ເກາະໂຊໂລມອນໄດ້ສ້າງຕັ້ງສາຍພົວພັນທາງການທູດກັບຈີນໃນປີ 2019, ໂດຍໄດ້ຢືນຢູ່ເບື້ອງທີ່ຖືກຕ້ອງຂອງປະຫວັດສາດ, ນີ້ເປັນຂໍ້ຕົກລົງທີ່ສໍາຄັນທີ່ສຸດຂອງໝູ່ເກາະໂຊໂລມອນນັບແຕ່ປະເທດຕົນປະກາດເອກະລາດເປັນເວລາ 45 ປີມານີ້. ທ່ານ ມາເນເລ ກ່າວຕື່ມວ່າ: ຄອງຄອຍຈະລົງເລິກການຮ່ວມມືກັບຈີນ ເພື່ອສ້າງຄວາມຜາສຸກໃຫ້ແກ່ປະຊາຊົນສອງປະເທດ.

   ທ່ານກ່າວຕື່ມອີກວ່າ: ລັດຖະບານໝູ່ເກາະໂຊໂລມອນໄດ້ຕົກລົງຕັດ “ສາຍພົວພັນ” ກັບໄຕ້ຫວັນໃນປີ 2019 ແລະ ສ້າງຕັ້ງສາຍພົວພັນທາງການທູດກັບສາທາລະນະລັດປະຊາຊົນຈີນ ໂດຍໄດ້ຢືນຢູ່ເບື້ອງທີ່ຖືກຕ້ອງຂອງປະຫວັດສາດ, ນີ້ເປັນຂໍ້ຕົກລົງຢ່າງມີອະທິປະໄຕຂອງໂຊໂລມອນ, ສາມາດເວົ້າໄດ້ວ່າເປັນຂໍ້ຕົກລົງທີ່ສໍາຄັນທີ່ສຸດຂອງໂຊໂລມອນນັບແຕ່ພວກເຮົາໄດ້ປະກາດເອກະລາດເປັນຕົ້ນມາ. ນັບແຕ່ສ້າງຕັ້ງສາຍພົວພັນທາງການທູດເປັນຕົ້ນມາ, ສາຍພົວພັນລະຫວ່າງໂຊໂລມອນ-ຈີນແມ່ນໄດ້ມີການຂະຫຍາຍຕົວຢ່າງຕໍ່ເນື່ອງ, ຂ້າພະເຈົ້າຄອງຄອຍສາຍພົວພັນລະຫວ່າງໂຊໂລມອນ-ຈີນຈະໄດ້ຂະຫຍາຍຕົວຢ່າງບໍ່ຢຸດຢັ້ງ ແລະ ກາຍເປັນຕົວແບບຂອງການຮ່ວມມືໃຕ້ໃຕ້.