ວັນທີ 15 ພຶດສະພານີ້, ສຳນັກຂ່າວສານອັນເຕີແຟ້ກອູແກຣນໄດ້ລາຍງານວ່າ: ທ່ານອັນໂຕນີ ບລີນເກນ ລັດຖະມົນຕີກະຊວງການຕ່າງປະເທດອາເມຣິກາທີ່ພວມຢ້ຽມຢາມນະຄອນຫຼວງກຽບຂອງອູແກຣນໄດ້ກ່າວໃນກອງປະຊຸມຖະແຫຼງຂ່າວວ່າ ອາເມຣິກາຈະສະໜອງທຶນຊ່ວຍເຫຼືອດ້ານການທະຫານອີກ 2 ຕື້ໂດລາໃຫ້ກັບປະເທດອູແກຣນໂດຍຜ່ານ “ການລະດົມທຶນການທະຫານຈາກຕ່າງປະເທດ”, ເພື່ອສະໜອງອາວຸດໃຫ້ແກ່ອູແກຣນ ແລະລົງທຶນໃຊ້ເຂົ້າໃນອຸດສາຫະກຳປ້ອງກັນປະເທດຂອງອູແກຣນ, ເພື່ອເພີ່ມທະວີຄວາມສາມາດໃນດ້ານການຜະລິດອາວຸດຍຸດໂທປະກອນເຂົ້າໃນກອງທັບປ້ອງກັນປະເທດຂອງອູແກຣນ.

ຕາມຂ່າວແຈ້ງໃຫ້ຮູ້ວ່າ: ທຶນຊ່ວຍເຫຼືອດັ່ງກ່າວແມ່ນອາເມຣິກາໄດ້ຕົກລົງໃນເດືອນທີ່ຜ່ານມານີ້ເພື່ອຊ່ວຍເຫຼືອດ້ານການທະຫານ ແລະເສດຖະກິດຂອງອູແກຣນເປັນຈຳນວນເກືອບ 61 ຕື້ໂດລາ, ແລະ “ການລະດົມທຶນການທະຫານຈາກຕ່າງປະເທດ” ທີ່ບໍ່ເຄີຍໄດ້ປະກາດຈະໃຫ້ປະເທດໃດມາກ່ອນ.