ຕອນບ່າຍວັນທີ 17 ພຶດສະພານີ້, ທ່ານຈ່າງສຽວກາງ ໂຄສົກກະຊວງປ້ອງກັນປະເທດຈີນໄດ້ຖະແຫຼງຂ່າວກ່ຽວກັບບັນຫາທາງການທະຫານໃນໄລຍະຜ່ານມາ. ມີຂ່າວລາຍງານວ່າ: ກຳປັ່ນຂັບໄລ່ເລກ “ ຮານຊີ” ຂອງອາເມຣິກາໄດ້ເດີນຜ່ານຊ່ອງແຄບໄຕ້ຫວັນ ແລະ ກໍ່ເລື່ອງກໍ່ລາວໂດຍອ້າງ “ສົນທິສັນຍາອົງການສະຫະປະຊາຊາດວ່າດ້ວຍກົດໝາຍທະເລ”.

ຕໍ່ເລື່ອງນີ້, ທ່ານຈ່າງສຽວກາງກ່າວວ່າ: ອາເມຣິກາບໍ່ແມ່ນປະເທດພາຄີ “ສົນທິສັນຍາອົງການສະຫະປະຊາຊາດວ່າດ້ວຍກົດໝາຍທະເລ”, ແຕ່ພັດກໍ່ເລື່ອງກໍ່ລາວໂດຍອ້າງສົນທິສັນຍາດັ່ງກ່າວເລື້ອຍໆ, ນີ້ເປັນການກະທຳທີ່ເປັນເຈົ້າອຳນາດທັງສິ້ນ. ກອງທັບປົດປ່ອຍປະຊາຊົນຈີນຈະຮັກສາສະຕິລະວັງຕົວໃນລະດັບສູງຢູ່ທຸກເວລາ, ເດັດດ່ຽວຕອບໂຕ້ການລ່ວງລ້ຳອະທິປະໄຕ ແລະ ການທ້າທາຍເກາະຜິດທຸກປະການ, ເດັດດ່ຽວປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຕົນ.