ວັນທີ 20 ພຶດສະພານີ້, ຂ່າວສານສູນກາງເກົາຫຼີລາຍງານວ່າ: ໂຄສົກກະຊວງການຕ່າງປະເທດຂອງສປປເກົາຫຼີໄດ້ຖະແຫຼງຂ່າວໃນມື້ດຽວກັນວ່າ: ຫວ່າງມໍ່ໆມານີ້, ອົງການຮັກສາຄວາມປອດໄພດ້ານນິວເຄລຍແຫ່ງຊາດອາເມຣິກາປະກາດແຈ້ງການວ່າ: ອາເມຣິກາໄດ້ທຳການທົດລອງນິວເຄລຍ subcritical ຄັ້ງທີ 3 ນັບແຕ່ລັດຖະບານອາເມຣິກາຊຸດປັດຈຸບັນເຂົ້າບໍລິຫານປະເທດເປັນຕົ້ນມາ, ພ້ອມທັງຈະຮ່ວມກັບສ.ເກົາຫຼີດຳເນີນການຊ້ອມຮົບດ້ວຍນິວເຄລຍແບບຈຳລອງໃຊ້ແທ້ຢູ່ສະໜາມຮົບຈິງບັ້ນໜຶ່ງໃນເດືອນສິງຫາປີນີ້.

   ເພື່ອຮັບມືກັບຄວາມບໍ່ໝັ້ນຄົງທາງຍຸດທະສາດຢູ່ພາກພື້ນ ກໍຄືຂອບເຂດທົ່ວໂລກຍ້ອນປະເທດອາເມຣິກາຝ່າຍດຽວ, ສປປເກົາຫຼີຈະພິຈາລະນາໃຊ້ມາດຕະການອັນຈຳເປັນເພື່ອເພີ່ມທະວີທ່ວງທ່າສະກັດກັ້ນທາງນິວເຄລຍຢ່າງຮອບດ້ານພາຍໃນຂອບເຂດສິດອະທິປະໄຕແລະທາງເລືອກທີ່ອາດຈະມີ .

   ໂຄສົກທ່ານນີ້ກ່າວຕື່ມວ່າ: ສປປເກົາຫຼີຈະບໍ່ອະນຸຍາດໃຫ້ເກີດສະພາບການທີ່ເສຍຄວາມກ້ຳເກີ່ງກັນທາງຍຸດທະສາດແລະມີຊ່ອງຫວ່າງໃນດ້ານຄວາມໝັ້ນຄົງຢູ່ແຫຼມເກົາຫຼີ, ປະເທດຕົນຈະໃຊ້ການເຄື່ອນໄຫວສະກັດກັ້ນລະດັບສຸດຂີດເພື່ອຮັບມືກັບໄພຂົ່ມຂູ່ທາງນິວເຄລຍຈາກອາເມຣິກາທີ່ເພີ່ມທະວີຂຶ້ນຢ່າງບໍ່ຂາດສາຍ ເພື່ອປ້ອງກັນຄວາມໝັ້ນຄົງ, ສິດແລະຜົນປະໂຫຍດແຫ່ງຊາດຂອງຕົນຢ່າງເຖິງຖອງ.