ວັນທີ 20 ພຶດສະພານີ້, ທ່ານເຊີນປີ່ນຮວາ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນໄດ້ກ່າວປາໄສກ່ຽວກັບເນື້ອໃນທີ່ກ່ຽວຂ້ອງກັບການພົວພັນລະຫວ່າງສອງຝັ່ງຊ່ອງແຄບໄຕ້ຫວັນຈາກຄຳປາໄສຂອງຜູ້ນຳເຂດໄຕ້ຫວັນໃນວັນທີ20ພຶດສະພານີ້ ໂດຍກ່າວວ່າ: ຄຳປາໄສຂອງຜູ້ນຳເຂດໄຕ້ຫວັນແມ່ນຍຶດໝັ້ນຫຼັກໝັ້ນ“ໄຕ້ຫວັນເປັນເອກະລາດ”ຢ່າງດື້ດ້ານ, ໂຄສະນາຖ້ອຍຄວາມແບ່ງແຍກຢ່າງຮຸນແຮງ, ປຸກປັ່ນໃຫ້ສອງຝັ່ງຊ່ອງແຄບເປັນປໍລະປັກກັນ. ແຕ່ວ່າ, ການຢາກໄດ້ສັນຕິພາບ ຫາກບໍ່ແມ່ນສົງຄາມ, ຢາກໄດ້ການພັດທະນາຫາກບໍ່ແມ່ນຄວາມຊຸດໂຊມລົງ,ຢາກໄດ້ການແລກປ່ຽນກັນຫາກບໍ່ແມ່ນແບ່ງແຍກກັນ,ຢາກຮ່ວມມືກັນຫາກບໍ່ແມ່ນເປັນປໍລະປັກກັນ ເຊິ່ງສິ່ງເຫຼົ່ານີ້ແມ່ນຄວາມປາດຖະໜາຫຼັກຂອງປະຊາຊົນຢູ່ເຂດໄຕ້ຫວັນ. ຜູ້ນຳເຂດໄຕ້ຫວັນບໍ່ເອົາຫົວຊານຳຄວາມຫວັງຂອງປະຊາຊົນແລະເຄື່ອນໄຫວແບບຝືນກັບກະແສຫຼັກ, ສົ່ງສັນຍານອັນຕະລາຍກໍ່ການທ້າທາຍເພື່ອສະແຫວງຫາການເປັນເອກະລາດ,ທຳລາຍສັນຕິພາບແລະສະຖຽນລະພາບຢູ່ຊ່ອງແຄບໄຕ້ຫວັນ, ໄດ້ເປີດເຜີຍທາດແທ້ຂອງຕົນທີ່ເປັນ “ຜູ້ປະຕິບັດງານແບ່ງແຍກໄຕ້ຫວັນໃຫ້ເປັນເອກະລາດ”ຢ່າງເຕັມທີ່.