ເມື່ອບໍ່ດົນມານີ້, ທ່ານອີລອນ ມາກ ຫົວໜ້າຜູ້ບໍລິຫານງານ ຫຼືCEOຂອງບໍລິສັດTeslaອາເມຣິກາກ່າວວ່າ: ຄັດຄ້ານອາເມຣິກາເພີ່ມພາສີຕໍ່ລົດໄຟຟ້າຂອງຈີນ.

ວັນທີ 23 ພຶດສະພານີ້, ທ່ານມາສເຄິໄດ້ເຂົ້າຮ່ວມງານວາງສະແດງການປະດິດສ້າງເຕັກໂນໂລຊີ “ວິທະຍາສາດເຕັກນິກໝັ້ນຍືນ” ຂອງຝຣັ່ງທີ່ຈັດຂຶ້ນຢູ່ນະຄອນຫຼວງປາຣີຜ່ານທາງວິດີໂອ ແລະສົນທະນາກັບນັກລົງທຶນວິທະຍາສາດເຕັກໂນໂລຊີ. ເມື່ອນັກຂ່າວຖາມເຖິງມາດຕະການຂອງອາເມຣິກາກ່ຽວກັບການເພີ່ມພາສີຕໍ່ຜະລິດຕະພັນຕ່າງໆເຊັ່ນລົດໄຟຟ້າຂອງຈີນ, ທ່ານມາສເຄິຕອບວ່າ: ບໍລິສັດTesla ແລະຂ້າພະເຈົ້າລ້ວນແຕ່ບໍ່ໄດ້ຮ້ອງຂໍເກັບພາສີເຫຼົ່ານີ້, ແລະໃນຄວາມຈິງແລ້ວ, ເມື່ອມາດຕະການຖືກປະກາດຂ້າພະເຈົ້າຮູ້ສຶກແປກໃຈຫຼາຍ. ທ່ານກ່າວຕື່ມວ່າ: ການຈຳກັດເສລີພາບໃນການຊື້ຂາຍ ຫຼືບິດເບືອນຕະຫຼາດແມ່ນມາດຕະການທີ່ບໍ່ສົມຄວນ.