ງານວາງສະແດງສິນຄ້າອຸດສາຫະກຳວັດທະນະທຳສາກົນຈີນຄັ້ງທີ 20 ສິ້ນສຸດລົງ

2024-05-28 10:55:44 cri

ງານວາງສະແດງສິນຄ້າອຸດສາຫະກຳວັດທະນະທຳສາກົນຈີນຄັ້ງທີ 20 ທີ່ດຳເນີນມາເປັນເວລາ 5 ວັນ ໄດ້ສິ້ນສຸດລົງໃນວັນທີ 27 ພຶດສະພານີ້. ອີງຕາມສະຖິຕິ, ງານວາງສະແດງຄັ້ງນີ້ໄດ້ວາງສະແດງຜະລິດຕະພັນຫຼາຍກວ່າ 120.000 ກວ່າອັນ, ມີໂຄງການລົງທຶນແລະລະດົມທຶນໃນອຸດສາຫະກຳວັດທະນະທຳ 4.000 ກວ່າໂຄງການໄດ້ວາງສະແດງ ແລະ ຊື້ຂາຍກັນຢູ່ກັບທີ່, ມີຜູ້ເຂົ້າຊົມຫຼາຍສຸດແມ່ນຫຼາຍກວ່າ 140.000 ເທື່ອຄົນຕໍ່ມື້.


ແຫຼ່ງຂ່າວຈາກຄະນະຈັດງານສະແດງໃຫ້ຮູ້ວ່າ: ງານວາງສະແດງຄັ້ງນີ້ມີອົງການປົກຄອງທ້ອງຖິ່ນ, ອົງການຈັດຕັ້ງວັດທະນະທຳ ແລະ ວິສາຫະກິດລວມທັງໝົດ 6.015 ແຫ່ງໄດ້ເຂົ້າຮ່ວມການວາງສະແດງຜ່ານທາງອອນລາຍ ແລະ ອັອຟລາຍ, ມີວິຊາການຕ່າງປະເທດ 30.000 ກວ່າຄົນຈາກ 108 ປະເທດ ແລະ ເຂດແຄວ້ນໄດ້ເຂົ້າຮ່ວມງານຜ່ານທາງອອນລາຍ ແລະ ອັອຟລາຍ.


ງານວາງສະແດງຄັ້ງນີ້ໄດ້ວາງສະແດງການນຳໃຊ້ເຕັກນິກດີຈີຕອນຢ່າງກວ້າງຂວາງໃນອຸດສາຫະກຳວັດທະນະທຳ, ໄດ້ສຸມໃສ່ກຳລັງການຜະລິດຄຸນນະພາບໃໝ່ ເຊິ່ງໄດ້ສ້າງເວທີຄ້າຂາຍໃຫ້ແກ່ວິສາຫະກິດ ແລະ ອົງການຈັດຕັ້ງຕ່າງໆ, ໄດ້ຊຸກຍູ້ການແລກປ່ຽນ ແລະ ເຊື່ອມໂຍງເຂົ້າກັນຂອງອຸດສາຫະກຳວັດທະນະທຳ, ຊຸກຍູ້ການພັດທະນາອຸດສາຫະກຳວັດທະນະທຳດ້ວຍວິທະຍາສາດເຕັກນິກຢ່າງເຕັມທີ່, ພ້ອມນັ້ນ, ຍັງໄດ້ວາງສະແດງຜົນຂອງການປະຕິບັດຍຸດທະສາດແຫ່ງຊາດໃນການຫັນວັດທະນະທຳເປັນດີຈີຕອນແຫ່ງຊາດ ແລະ ຜົນຂອງການພັດທະນາອຸດສາຫະກຳດ້ວຍວິທະຍາສາດເຕັກນິກ ດ້ວຍຮູບແບບ AI, AR ແລະອື່ນໆ.