ແຫຼ່ງຂ່າວຈາກເວັບໄຊ pllitico.com ແລະ ຂ່າວສານລອຍເຕີຂອງອັງກິດລາຍງານໃຫ້ຮູ້ວ່າ: ວັນທີ 30 ພຶດສະພານີ້, ເຈົ້າໜ້າທີ່ຫຼາຍທ່ານຂອງອາເມຣິກາກ່າວວ່າ: ທ່ານໂຈ ໄບເດັນ ປະທານາທິບໍດີອາເມຣິກາໄດ້ມອບສິດແບບປິດລັບໃຫ້ອູແກຣນໂຈມຕີເປົ້າໝາຍພາຍໃນດິນແດນຣັດເຊຍດ້ວຍອາວຸດອາເມຣິກາ.

ຂ່າວແຈ້ງໃຫ້ຮູ້ອີກວ່າ: ການມອບສິດຄັ້ງນີ້ໄດ້ອະນຸຍາດໃຫ້ອູແກຣນນຳໃຊ້ອາວຸດທີ່ສະໜອງໂດຍອາເມຣິກາໂຈມຕີເປົ້າໝາຍພາຍໃນດິນແດນຣັດເຊຍ ທີ່ໄດ້ໂຈມຕີເມືອງຮາຄົຟໄປແລ້ວ. ກ່ອນໜ້ານີ້, ເຈົ້າໜ້າທີ່ອາເມຣິກາເຄີຍກ່າວວ່າ: ຄັດຄ້ານອູແກຣນໂຈມຕີເປົ້າໝາຍພາຍໃນດິນແດນຣັດເຊຍດ້ວຍອາວຸດອາເມຣິກາ.