ວັນທີ 8 ມິຖຸນານີ້, ຂະບວນການຕໍ່ຕ້ານອິດສະລາມປາແລັດສະຕິນ ຫຼື ກຸ່ມຮາມາສໄດ້ອອກຖະແຫຼງການ ໂດຍກ່າວປະນາມກອງທັບອິດສະຣາແອນໄດ້ໂຈມຕີພາກກາງເຂດກາຊາຫຼາຍແຫ່ງ ເຊິ່ງລວມທັງຄ້າຍຊາວອົບພະຍົບນູເຊຣັດ ແລະແຫ່ງອື່ນໆ, ສົ່ງຜົນເຮັດໃຫ້ມີປະຊາຊົນທຳມະດາສາມັນຫຼາຍຮ້ອຍຄົນເສຍຊີວິດ ຫຼື ບາດເຈັບ, ຄຸ້ມຊຸມຄົນທ້ອງຖິ່ນຖືກທຳລາຍ.

 ເຈົ້າໜ້າທີ່ກຸ່ມຮາມາສກ່າວວ່າ: ໄດ້ຢືນຢັນແລ້ວວ່າ ອາເມຣິກາໄດ້ເຂົ້າຮ່ວມການເຄື່ອນໄຫວທາງທະຫານຂອງກອງທັບອິດສະຣາແອນໃນມື້ດຽວກັນ ເຊິ່ງສະແດງໃຫ້ເຫັນອີກເທື່ອໜຶ່ງວ່າ ອາເມຣິກາແລະອິດສະຣາແອນສົມຮູ້ຮ່ວມຄິດກໍ່ “ອາຊະຍາກຳສົງຄາມ” ຢູ່ເຂດກາຊາ.

ເຈົ້າໜ້າທີ່ກຸ່ມຮາມາສກ່າວຕື່ມວ່າ: ກອງທັບອິດສະຣາແອນກ່າວວ່າ ສາມາດຊ່ວຍເຫຼືອຜູ້ຖືກກັກຂັງໄດ້ຫຼາຍຄົນ, ແຕ່ນີ້ບໍ່ສາມາດປ່ຽງແປງສະພາບຕົວຈິງທີ່ອິດສະຣາແອນປະສົບ “ຄວາມຫຼົ້ມແຫຼວດ້ານຍຸດທະສາດ” ຢູ່ເຂດກາຊາ.