ກຸ່ມປະກອບອາວຸດຮູຕີຂອງເຢເມນແຈ້ງໃຫ້ຮູ້ໃນວັນທີ 10 ມິຖຸນານີ້ວ່າ: ກຸ່ມຕົນເອງໄດ້ມ້າງ“ເຄືອຂ່າຍສອດແນມ” ທີ່ສະໜັບສະໜູນອາເມຣິກາແລະອິດສະຣາແອນກຸ່ມໜຶ່ງ,ພ້ອມທັງໄດ້ຈັບຕົວສະມາຊິກເຄືອຂ່າຍດັ່ງກ່າວໄດ້ຫຼາຍຄົນ.

      ທ່ານ  ອັບດຸນ ຮາກິມ ຮາຍວານີ ຜູ້ຮັບຜິດຊອບຂ່າວລັບກຸ່ມປະກອບອາວຸດຮູຕີກ່າວໃນວັນທີ 10 ມິຖຸນານີ້ວ່າ: ໃນຫຼາຍສິບປີຜ່ານມາ, ເຄືອຂ່າຍສອດແນມກຸ່ມດັ່ງກ່າວໄດ້ເຮັດວຽກໃຫ້ສັດຕູ “ດຳເນີນການເຄື່ອນໄຫວສອດແນມແລະທຳລາຍໂດຍຜ່ານອົງການທາງການແລະບໍ່ເປັນທາງການມາໂດຍຕະຫຼອດ”, ມີສະມາຊິກຫຼາຍຄົນເຄີຍເຮັດວຽກໃຫ້ສະຖານທູດອາເມຣິກາປະຈຳເຢເມນ. ຫຼັງຈາກສະຖານທູດດັ່ງກ່າວໄດ້ປິດແລະຢຸດເຮັດວຽກໃນປີ 2015 ແລ້ວ, ສະມາຊິກເຫຼົ່ານີ້ໄດ້ປະຕິບັດແຜນການທຳລາຍພາຍໃຕ້ການປົກປ້ອງຈາກອົງການຈັດຕັ້ງສາກົນແລະອົງການສະຫະປະຊາຊາດ.