ວັນທີ 7 ມິຖຸນານີ້, ກອງປະຊຸມສະມັດຊາໃຫຍ່ອົງການ ສປຊ ຄັ້ງທີ 78ໄດ້ເປັນເອກະສັນກັນຮັບຮອງມະຕິວ່າດ້ວຍການສ້າງຕັ້ງວັນສາກົນເພື່ອການສົນທະນາລະຫວ່າງອະລິຍະທຳທີ່ສະເໜີໂດຍຈີນ. ທ່ານ ລິນຈ້ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນເມື່ອວັນທີ 11 ມິຖຸນານີ້ວ່າ: ຈີນຍິນດີຮ່ວມກັບປະຊາຄົມໂລກ,ຈັດຕັ້ງປະຕິບັດມະຕິດັ່ງກ່າວໃຫ້ດີຢ່າງຕັ້ງໜ້າ,ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ການແລກປ່ຽນແລະຖອດຖອນບົດຮຽນດ້ານອະລິຍະທຳ,ຊຸກຍູ້ການພັດທະນາແລະສັນຕິພາບຂອງໂລກ.

      ທ່ານ ລິນຈ້ຽນ ກ່າວຕື່ມວ່າ: ປະຊາຄົມໂລກສະໜັບສະໜູນການສ້າງຕັ້ງວັນສາກົນເພື່ອການສົນທະນາລະຫວ່າງອະລິຍະທຳຢ່າງເປັນເອກະສັນກັນ ໄດ້ສະແດງໃຫ້ເຫັນຢ່າງເຕັມສ່ວນວ່າຂໍ້ລິເລີ່ມກ່ຽວກັບອະລິຍະທຳທົ່ວໂລກເດີນໄປຕາມກະແສຂອງຍຸກສະໄໝແລະສອດຄ່ອງກັບຄວາມຕ້ອງການຂອງຍຸກສະໄໝ, ທັດສະນະຂອງຈີນແລະແຜນການຂອງຈີນພວມໄດ້ຮັບຄວາມເຂົ້າໃຈ,ການສະໜັບສະໜູນແລະການຕອບຮັບຈາກບັນດາປະເທດຢູ່ໃນໂລກນັບມື້ນັບເພີ່ມຂຶ້ນ.