ຕອນບ່າຍວັນທີ 13 ມິຖຸນານີ້, ທ່ານຫຼີສຽງ ນາຍົກລັດຖະມົນຕີຈີນໄດ້ພົບປະເຈລະຈາກັບທ່ານຄຣິສໂຕເຟີ ລຸກຊອນ ນາຍົກລັດຖະມົນຕີນູແວນເຊລັງ ຢູ່ທຳນຽບລັດຖະບານນະຄອນຫຼວງເວວລິງຕັນ.

ທ່ານຫຼີສຽງກ່າວວ່າ: ຂ້າພະເຈົ້າມາຢ້ຽມຢາມນູແວນເຊລັງຄັ້ງນີ້, ພໍດີຖືກກັບໄລຍະທີ່ທ່ານສີຈິ້ນຜິງ ປະທານປະເທດຈີນດຳເນີນການຢ້ຽມຢາມທາງລັດຖະກິດຕໍ່ນູແວນເຊລັງ ແລະ ຈີນກັບນູແວນເຊລັງສ້າງສາຍພົວພັນຄູ່ຮ່ວມຍຸດທະສາດຮອບດ້ານຄົບຮອບ 10 ປີ. ໃນໄລຍະ 10 ປີຜ່ານມາ, ການຮ່ວມມືລະຫວ່າງສອງປະເທດໄດ້ສ້າງ “ອັນດັບ 1” ຫຼາຍຢ່າງ. ຈີນຍິນດີຮ່ວມກັບນູແວນເຊລັງ, ຮ່ວມກັນຊຸກຍູ້ການພັດທະນາ, ພະຍາຍາມສ້າງການພົວພັນຄູ່ຮ່ວມຍຸດທະສາດຮອບດ້ານລະຫວ່າງສອງປະເທດໃຫ້ຍົກລະດັບຂຶ້ນຕື່ມອີກ.

ທ່ານລຸກຊອນ ກ່າວວ່າ: ນູແວນເຊລັງຍິນດີເພີ່ມທະວີການຕິດຕໍ່ພົວພັນແລະການແລກປ່ຽນຂັ້ນສູງແລະຂັ້ນຕ່າງໆກັບຈີນ, ລົງເລິກການຮ່ວມມືໃນຂົງເຂດກະສິກຳ, ອາຫານແລະອື່ນໆຕື່ມອີກ, ຊຸກຍູ້ການແລກປ່ຽນວັດທະນະທຳ, ຊຸກຍູ້ການພົວພັນລະຫວ່າງສອງປະເທດໃຫ້ມີການພັດທະນາແບບຍືນຍົງແລະລົງສູ່ລວງເລິກ.