ວັນທີ 18 ມິຖຸນານີ້, ໃນເວລາຈັດກອງປະຊຸມລັດຖະບານ,ທ່ານຢຸນຊົກເຢວ ປະທານາທິບໍດີສເກົາຫຼີກ່າວວ່າ:ສາດສະດາຈານຂອງມະຫາວິທະຍາໄລແພດສາດຈຳນວນໜຶ່ງບໍ່ເອົາຫົວຊານຳການເຈັບປ່່ວຍຂອງຄົນເຈັບ ຕັ້ງໃຈຢຸດການປິ່ນປົວພະຍາດແບບເປັນກຸ່ມ,ຖ້າເວົ້າສຳລັບບຸກຄົນ ຫຼື ສຳລັບປະເທດກໍ່ບໍ່ຖືກຕ້ອງ, ລັດຖະບານຈະລົງໂທດຢ່າງເຂັ້ມງວດຕໍ່ການກະທຳທີ່ແພດໝໍປະຖິ້ມຄົນເຈັບ.

     ເພື່ອປະທ້ວງແຜນການຮັບເອົານັກສຶກສາແພດສາດທີ່ສະເໜີໂດຍລັດຖະບານ, ນັບແຕ່ວັນທີ 17 ມິຖຸນານີ້ເປັນຕົ້ນໄປ, ສາດສະດາຈານຢູ່ໂຮງໝໍມະຫາວິທະຍາໄລເອຊູນສເກົາຫຼີເລີ່ມຢຸດການປິ່ນປົວຄົນເຈັບໂດຍບໍ່ມີກຳນົດ.  ອົງການມະຫາຊົນຫຼາຍອົງການຂອງສເກົາຫຼີຕິຕຽນຕໍ່ກັບເລື້ອງນີ້ ແລະ ກ່າວວ່າ:ຖ້າຖືເອົາການສ້າງຜົນຮ້າຍຕໍ່ສິດຜົນປະໂຫຍດຂອງຄົນເຈັບເປັນຄ່າຕອບແທນ ມາບັງຄັບລັດຖະບານ, ເຫດຜົນໃດໆຂອງບັນດາແພດໝໍລ້ວນແຕ່ບໍ່ຖືກຕ້ອງ.