ວັນທີ 19 ມິຖຸນານີ້, ທ່ານລີນຈ້ຽນ ໂຄສົກກະຊວງການຕ່າງປະເທດຈີນໄດ້ຈັດກອງປະຊຸມຖະແຫຼງຂ່າວ, ມີນັກຂ່າວຖາມກ່ຽວກັບຟິລິບປິນບຸກເຂົ້າຫາດເຣີນອ້າຍ.

    ທ່ານລີນຈ້ຽນຕອບວ່າ: ຟິລິບປິນບໍ່ເອົາຫົວຊານຳຄຳເຕືອນຂອງຈີນ, ຕັ້ງໃຈບຸກເຂົ້າຫາດເຣີນອ້າຍ ໝູ່ເກາະນານຊ່າຂອງຈີນເປັນສາເຫດຕົ້ນຕໍເຮັດໃຫ້ສະຖານະການຮ້າຍແຮງຂຶ້ນ. ມາດຕະການບັງຄັບໃຊ້ກົດໝາຍຂອງຕຳຫຼວດທະເລຈີນເປັນມືອາຊີບ ແລະ ໃຊ້ຄວາມອົດກັ້ນ, ເພື່ອແນໃສ່ສະກັດກັ້ນບໍ່ໃຫ້ກຳປັ່ນຟິລິບປິນຂົນສົ່ງວັດຖຸສິ່ງຂອງຢ່າງຜິດກົດໝາຍ ແລະ ບໍ່ໄດ້ໃຊ້ມາດຕະການໂດຍກົງຕໍ່ບຸກຄົນຂອງຟິລິບປິນ.

    ທ່ານລີນຈ້ຽນຊີ້ອອກວ່າ: ຟິລິບປິນກ່າວຫຼາຍເທື່ອວ່າແມ່ນໄດ້ຂົນສົ່ງເຄື່ອງໃຊ້ປະຈຳວັນ, ແຕ່ທີ່ຈິງແລ້ວແມ່ນໄດ້ຂົນສົ່ງວັດສະດຸກໍ່ສ້າງແບບລັບໆມາໂດຍຕະຫຼອດ, ຈົນເຖິງຂັ້ນມີອາວຸດ ຢາກຍຶດຄອງຫາດເຣີນອ້າຍເປັນເວລາຍາວນານ. ຈີນຮຽກຮ້ອງໃຫ້ຟິລິບປິນຈົ່ງຍຸດຕິການກະທຳທີ່ລະເມີດສິດ ແລະ ທ້າທາຍເກາະຜິດໃນທັນທີ. ຈີນຈະສືບຕໍ່ເດັດດ່ຽວຮັກສາອະທິປະໄຕ ແລະ ສິດຜົນປະໂຫຍດຂອງປະເທດຕົນຕາມກົດໝາຍ.