ວັນທີ 23 ມິຖຸນານີ້, ທ່ານເບນຈາມິນ ເນທັນຢາຮູ ນາຍົກລັດຖະມົນຕີອິດສະຣາແອນໄດ້ໃຫ້ສຳພາດຕໍ່ສື່ມວນຊົນອິດສະຣາແອນ ໂດຍກ່າວວ່າ: “ການປະທະກັນຢ່າງດຸເດືອດ” ຢູ່ເຂດກາຊາລະຫວ່າງກອງທັບອິດສະຣາແອນກັບກຸ່ມຮາມັສນັ້ນ ໄດ້ “ເຂົ້າສູ່ໄລຍະໃກ້ຈະສິ້ນສຸດລົງແລ້ວ”.

ທ່ານ ເນທັນຢາຮູກ່າວວ່າ: ກອງທັບອິດສະຣາແອນຈະສິ້ນສຸດ “ການປະທະກັນຢ່າງດຸເດືອດ” ກັບກຸ່ມຮາມັສຢູ່ເຂດກາຊາ ເຊິ່ງລວມທັງນະຄອນຣາຟາທີ່ຢູ່ທາງພາກໃຕ້ຂອງເຂດກາຊາ. ແຕ່ທ່ານກ່າວເນັ້ນໜັກວ່າ: ນີ້ບໍ່ໄດ້ໝາຍຄວາມວ່າອິດສະຣາແອນຈະຍຸດຕິການເຄື່ອນໄຫວທາງທະຫານຢູ່ເຂດກາຊາ, ກອງທັບອິດສະຣາແອນຍັງຈະສືບຕໍ່ໂຈມຕີກຸ່ມຮາມັສ.

ທ່ານ ເນທັນຢາຮູກ່າວຕື່ມວ່າ: ຫຼັງຈາກກອງທັບອິດສະຣາແອນສິ້ນສຸດ “ການປະທະກັນຢ່າງດຸເດືອດ” ຢູ່ເຂດກາຊາແລ້ວ ອາດຈະຈັດສັນກຳລັງພົນຈຳນວນໜຶ່ງໄປເຂດຊາຍແດນລະຫວ່າງອິດສະຣາແອນກັບລີບັງທີ່ຢູ່ພາກເໜືອ ເພື່ອບັນລຸເປົ້າໝາຍປ້ອງກັນປະເທດ ພ້ອມທັງເຮັດໃຫ້ພົນລະເມືອງອິດສະຣາແອນທີ່ໜີອອກຈາກບ້ານເກີດນັ້ນ ສາມາດກັບຄືນສູ່ບ້ານເກີດຂອງຕົນໂດຍໄວ.