ເຈົ້າໜ້າທີ່ການທູດຫຼາຍຄົນຂອງສະຫະພາບເອີຣົບກ່າວໃນວັນທີ 24 ມິຖຸນານີ້ວ່າ ສະຫະພາບເອີຣົບຕົກລົງຈະໂອນດອກເບ້ຍຈຳນວນ 1,4 ຕື້ເອີໂຣ ທີ່ເກີດຈາກຊັບສິນຂອງທະນາຄານກາງຣັດເຊຍທີ່ຖືກອາຍັດນັ້ນ ເຂົ້າໃນກອງທຶນຊ່ວຍເຫຼືອອູແກຣນ.

ຂ່າວລາຍງານວ່າ ຂໍ້ຕົກລົງຂອງສະຫະພາບເອີຣົບທີ່ອະນຸມັດໃຫ້ນຳໃຊ້ຊັບສິນຂອງທະນາຄານກາງຣັດເຊຍທີ່ຖືກອາຍັດເທື່ອນີ້ ໄດ້ຫຼີກເວັ້ນປະເທດສະມາຊິກທີ່ມີຄວາມເຫັນແຕກຕ່າງກັນເຫຼົ່ານັ້ນ. ທ່ານຊິດຈາໂຕ ປີເຕີ ລັດຖະມົນຕີກະຊວງການຕ່າງປະເທດຮົງກາລີ ໄດ້ເຂົ້າຮ່ວມກອງປະຊຸມລັດຖະມົນຕີການຕ່າງປະເທດສະຫະພາບເອີຣົບ ທີ່ຈັດຂຶ້ນຢູ່ລຸກຊຳບວກໃນວັນດັ່ງກ່າວ, ທ່ານກ່າວວ່າ: ສະຫະພາບເອີຣົບໄດ້ເບິ່ງຂ້າມສຽງຄັດຄ້ານຈາກຮົງກາລີ, ຈັດສັນທຶນໃຫ້ອູແກຣນ ທັງສະເໜີໃຫ້ແຕ່ງຄູເຝິກການທະ ຫານໄປສູ່ອູແກຣນ, ການກະທຳເຫຼົ່ານີ້ເປັນການເລີ່ມກ້າວລ້ຳເສັ້ນແດງແລ້ວ.

ທຶນບ້ວງນີ້ແມ່ນທຶນບ້ວງທຳອິດທີ່ສະຫະພາບເອີຣົບນຳໃຊ້ຜົນດອກເບ້ຍທີ່ເກີດຈາກຊັບສິນຂອງຣັດເຊຍທີ່ຖືກອາຍັດ. ຕາມແຜນການທີ່ໄດ້ວາງໄວ້, ທຶນບ້ວງທຳອິດຈະໂອນໄປສູ່ເຢຍລະມັນ, ເຊັກ ແລະ ດານມາກ ແລ້ວປະເທດເຫຼົ່ານີ້ຈະນຳໃຊ້ເຂົ້າໃນການຈັດຊື້ຜະລິດຕະພັນທີ່ກ່ຽວຂ້ອງ ເພື່ອນຳໃຊ້ເຂົ້າໃນການຊ່ວຍເຫຼືອອູແກຣນ.