ກອງປະຊຸມສຸດຍອດສະຫະພາບເອີຣົບໄດ້ຈັດຂຶ້ນຢູ່ນະຄອນຫຼວງບຣຸກແຊນຂອງແບນຊິກໃນວັນທີ 27 ມິຖຸນານີ້, ຕອນຄ່ຳມື້ດຽວກັນ, ສະພາມົນຕີເອີຣົບໄດ້ຜ່ານບັນຊີລາຍຊື່ຜູ້ນຳສະຫະພາບເອີຣົບຊຸດໃໝ່.

ຕອນຄ່ຳມື້ດຽວກັນ, ທ່ານຊາເລສ ມີເຊວ ປະທານສະພາມົນຕີເອີຣົບໄດ້ອອກຂ່າວທາງສື່ສັງຄົມອອນລາຍວ່າ: ສະພາມົນຕີເອີຣົບຕົກລົງສະເໜີທ່ານນາງເອີຊູລາ ວົນ ເດີ ເລເຢນ ດຳລົງຕຳແໜ່ງປະທານຄະນະກຳມາທິການສະພາບເອີຣົບອີກສະໄໝໜຶ່ງ, ເລືອກຕັ້ງທ່ານອັນໂຕນິໂອ ລຸຍສ ຊັນໂຕສ ດາ ໂກສຕາ ອະດີດນາຍົກລັດຖະມົນຕີປອກຕຸຍການເປັນປະທານສະພາມົນຕີເອີຣົບຄົນໃໝ່ ແລະ ສະເໜີຊື່ທ່ານກາຈາ ກາລາສ ນາຍົກລັດຖະມົນຕີແອັດໂຕນີເປັນຜູ້ຕາງໜ້າຂັ້ນສູງດ້ານນະໂຍບາຍການຕ່າງປະເທດແລະຄວາມໝັ້ນຄົງສະຫະພາບເອີຣົບ.

ກອງປະຊຸມສຸດຍອດສະຫະພາບເອີຣົບທີ່ຕົກລົງກັນຈະດຳເນີນເປັນເວລາ 2 ວັນໄດ້ສິ້ນສຸດລົງກ່ອນເວລາກຳນົດໃນຕອນຄ່ຳວັນທີ 27 ມິຖຸນານີ້. ຜູ້ນຳສະຫະພາບເອີຣົບຍັງໄດ້ເປິກສາຫາລືກັນກ່ຽວກັບການຊ່ວຍເຫຼືອທາງການທະຫານຕໍ່ອູແກຣນ, ການປະທະກັນລະຫວ່າງປາແລັດສະຕິນກັບອິດສະຣາແອນ, ການລະດົມທຶນເຂົ້າໃນອຸດສາຫະກຳປ້ອງກັນປະເທດຂອງສະຫະພາບເອີຣົບ, ກຳລັງແຂ່ງຂັນດ້ານເສດຖະກິດ ແລະອື່ນໆ ພ້ອມທັງໄດ້ຜ່ານວາລະຍຸດທະສາດສະຫະພາບເອີຣົບໃນ 5 ປີຂ້າງໜ້າ.