ຕອນເຊົ້າວັນທີ 28 ມິຖຸນານີ້, ສະພາຄວາມໝັ້ນຄົງອົງການສະຫະປະຊາຊາດ ຫຼື ສປຊ ໄດ້ຈັດກອງປະຊຸມເປີດເຜີຍ ກ່ຽວກັບບັນຫານິວເຄລຍແຫຼມເກົາຫຼີ. ທ່ານເກິງສວງ ຮອງຜູ້ຕາງໜ້າຖາວອນຂອງຈີນປະຈຳອົງການ ສປຊ ໄດ້ປະກອບຄຳເຫັນ 3 ເທື່ອໃນກອງປະຊຸມ ໂດຍຕອບໂຕ້ຜູ້ຕາງໜ້າອາເມຣິກາທີ່ຕຳໜິຕິຕຽນຫຼັກໝັ້ນ ແລະ ບົດບາດຂອງຈີນເທື່ອແລ້ວເທື່ອອີກ ໃນບັນຫາແຫຼມເກົາຫຼີ.

ທ່ານເກິງສວງຊີ້ອອກວ່າ: ຈີນມີທ່າທີສຸຂຸມຮອບຄອບ ແລະ ມີນ້ຳໃຈຮັບຜິດຊອບໃນບັນຫາແຫຼມເກົາຫຼີຢ່າງສະເໝີຕົ້ນສະເໝີປາຍ, ບົດບາດ ແລະ ຄວາມພະຍາຍາມຂອງຈີນໃນບັນຫາແຫຼມເກົາຫຼີເປັນທີ່ຈະແຈ້ງທີ່ສຸດໃນປະຊາຄົມໂລກ, ບໍ່ຕ້ອງການໃຫ້ອາເມຣິກາມາບອກພວກເຮົາວ່າ ຄວນຈະເຮັດແນວໃດ.

ທ່ານເກິງສວງຍັງໄດ້ເຕືອນໃຫ້ອາເມຣິກາຈົ່ງສຳຫຼວດຕົນເອງຄືນຢ່າງເລິກເຊິ່ງ; ເມື່ອມີບັນຫາໃດໆ, ຢ່າເອົາແຕ່ກ່າວຕຳໜິຜູ້ອື່ນຕາມເຄີຍ, ບໍ່ຊອກຫາສາເຫດຂອງຕົນ ແລະ ຖິ້ມຄວາມຜິດໃຫ້ແກ່ຜູ້ອື່ນໝົດ. ການກະທຳແບບນີ້ບໍ່ມີລັກສະນະສ້າງສັນແມ່ນແຕ່ໜ້ອຍ.