ວັນທີ 2 ກໍລະກົດນີ້, ທ່ານເສີນສ້ຽວຕົ່ງ ຮອງລັດຖະມົນຕີກະຊວງການຕ່າງປະເທດຈີນກັບທ່ານລາຊາໂຣ ຮອງລັດຖະມົນຕີກະຊວງການຕ່າງປະເທດຟິລິບປິນໄດ້ຮ່ວມກັນເປັນປະທານຈັດກອງປະຊຸມຄັ້ງທີ 9 ຂອງກົນໄກເປິກສາຫາລືສອງຝ່າຍກ່ຽວກັບບັນຫາທະເລຈີນໃຕ້ ຫຼື BCM ຢູ່ນະຄອນຫຼວງມານີລາປະເທດຟິລິບປິນ.

ສອງຝ່າຍໄດ້ແລກປ່ຽນຄວາມເຫັນຢ່າງກົງໄປກົງມາແລະມີຄວາມສ້າງສັນກ່ຽວກັບສະຖານະການຢູ່ທະເລຈີນໃຕ້ ໂດຍສະເພາະແມ່ນການຄວບຄຸມສະຖານະການຢູ່ຫາດເຢີນອ້າຍ. ສອງຝ່າຍເຫັນວ່າ: ການປົກປັກຮັກສາສັນຕິພາບແລະສະຖຽນລະພາບຢູ່ທະເລຈີນໃຕ້ສອດແມ່ນຄ່ອງກັບຜົນປະໂຫຍດສອງຝ່າຍຈີນ-ຟິລິບປິນ ແລະກໍແມ່ນເປົ້າໝາຍຮ່ວມຂອງປະເທດຢູ່ໃນພາກພື້ນ, ສອງຝ່າຍເຫັນດີສືບຕໍ່ຮັກສາການສົນທະນາແລະການເປິກສາຫາລືກັນໂດຍຜ່ານ BCM ແລະກົນໄກຕ່າງໆ ເພື່ອຄວບຄຸມຄວາມຂັດແຍ້ງກັນ. ໃນໄລຍະກອງປະຊຸມ, ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບການປັບປຸງກົນໄກແລກປ່ຽນທີ່ກ່ຽວພັນເຖິງທະເລ, ຊຸກຍູ້ການສົນທະນາລະຫວ່າງຕຳຫຼວດທະເລຂອງສອງປະເທດ ແລະ ຊຸກຍູ້ການຮ່ວມມືດ້ານການອະນຸລັກສິ່ງແວດລ້ອມທາງທະເລດ້ວຍວິທະຍາສາດເຕັກນິກ.