ຕອນເຊົ້າວັນທີ 3 ກໍລະກົດນີ້, ທ່ານສີຈິ້ນຜິງ ປະທານປະເທດຈີນໄດ້ພົບປະເຈລະຈາກັບທ່ານໂຈມາດ ໂຕຄາເຢັຟ ປະທານາທິບໍສາທາລະນະລັດກາຊັກສະຖານຢູ່ທຳນຽບປະທານາທິບໍດີທີ່ນະຄອນຫຼວງອັສທານາ.

ໃນໂອກາດດັ່ງກ່າວ, ທ່ານສີຈິ້ນຜິງ ຊີ້ໃຫ້ເຫັນວ່າ: ມິດຕະພາບລະຫວ່າງຈີນກັບກາຊັກສະຖານເກີດຂຶ້ນບົນພື້ນຖານເສັ້ນທາງສາຍໄໝບູຮານທີ່ສືບເນື່ອງມາເປັນເວລາພັນປີ, ໂດຍຜ່ານການຮ່ວມມືໃນໄລຍະ 32 ປີມານີ້ພາຍຫຼັງສອງປະເທດໄດ້ສ້າງສາຍພົວພັນທາງການທູດ, ຈຶ່ງໄດ້ບັນລຸເຖິງລະດັບສາຍພົວພັນຄູ່ຮ່ວມຍຸດທະສາດຮອດດ້ານຖາວອນ.

ຂ້າພະເຈົ້າຂໍເນັ້ນໜັກອີກເທື່ອໜຶ່ງວ່າ: ບໍ່ວ່າສະຖານະການສາກົນຈະປ່ຽນແປງແນວໃດກໍຕາມ, ຈີນຈະຮັກສາອຸດົມການແຕ່ຫົວທີທີ່ປົກປັກຮັກສາມິດຕະພາບລະຫວ່າງຈີນກັບກາຊັກສະຖານຢ່າງໝັ້ນໜຽວບໍ່ປ່ຽນແປງ, ແລະຄວາມໝາຍໝັ້ນຄົງໃນການຊຸກຍູ້ການຮ່ວມມືຢ່າງຮອບດ້ານຢ່າງເດັດດ່ຽວໜຽວແໜ້ນ, ມີຄວາມຕັດສິນໃຈໃນການສະໜັບສະໜູນເຊິ່ງກັນແລະກັນກ່ຽວກັບບັນຫາຜົນປະໂຫຍດແກນກາງຂອງກັນຢ່າງໝັ້ນໜຽວບໍ່ປ່ຽນແປງ, ທັງມີຄວາມໝັ້ນໃຈຢ່າງໝັ້ນໜຽວບໍ່ປ່ຽນແປງຕໍ່ການບັນລຸເປົ້າໝາຍການພັດທະນາຂອງປະເທດຕົນ. ຂ້າພະເຈົ້າຍິນດີຮ່ວມກັບທ່ານ, ຊຸກຍູ້ການສ້າງຄູ່ຮ່ວມຊາຕາກຳຈີນ-ກາຊັກສະຖານທີ່ມີເນື້ອໃນ ແລະ ມີຊີວິດຊີວາຫຼາຍກ່າເກົ່າ, ເພີ່ມພະລັງແຮງທາງບວກຫຼາຍກວ່າເກົ່າເຂົ້າໃນການພັດທະນາ ແລະ ສະຖຽນລະພາບຂອງພາກພື້ນກໍຄືຂອງໂລກ.