ວັນທີ  17  ກໍລະກົດນີ້, ທ່ານນາງຟາມທູຮາງ ໂຄສົກກະຊວງການຕ່າງປະເທດຫວຽດນາມກ່າວວ່າ: ກະຊວງການຕ່າງປະເທດຫວຽດນາມສະແດງຄວາມໄວ້ອາໄລ່ຢ່າງສຸດຊຶ້ງຕໍ່ຄອບຄົວຂອງຜູ້ປະສົບເຄາະຮ້າຍໃນຄະດີຊາວຫວຽດນາມເສຍຊີວິດໃນໂຮງແຮມຢູ່ນະຄອນຫຼວງບາງກອກປະເທດໄທໃນວັນທີ 16 ກໍລະກົດນີ້. ສະຖານທູດຫວຽດນາມປະຈຳໄທ ແລະ ພາກສ່ວນທີ່ກ່ຽວຂ້ອງຂອງໄທຈະປະສານສົມທົບກັນຢ່າງໃກ້ຊິດ ເພື່ອຮ່ວມກັນສືບສວນ-ສອບສວນຄະດີດັ່ງກ່າວ. ພ້ອມດຽວກັນນັ້ນ, ກະຊວງການຕ່າງປະເທດຫວຽດນາມຍັງຈະປະສານງານກັບພາກສ່ວນທີ່ກ່ຽວຂ້ອງຢູ່ພາຍໃນປະເທດຕົນ, ແຈ້ງຂໍ້ມູນທີ່ກ່ຽວຂ້ອງຂອງຄະດີດັ່ງກ່າວໃຫ້ແກ່ຄອບຄົວຂອງຜູ້ປະສົບເຄາະຮ້າຍ, ທັງນຳໃຊ້ມາດຕະການປ້ອງກັນພົນລະເມືອງທີ່ຈຳເປັນ ແລະ ຢືນຢັນອັດຕະລັກຂອງຜູ້ປະສົບເຄາະຮ້າຍ.