ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20 ໄດ້ຈັດຂຶ້ນແຕ່ວັນທີ 15 ຫາວັນທີ 18 ກໍລະກົດນີ້ຢູ່ນະຄອນຫຼວງປັກກິ່ງ. ກອງປະຊຸມໄດ້ຄົ້ນຄວ້າພິຈາລະນາແລະຮັບຮອງເອົາ “ຂໍ້ຕົກລົງຂອງສູນກາງພັກຄອມມູນິດຈີນກ່ຽວກັບການລົງເລິກການປະຕິຮູບຢ່າງຮອບດ້ານຕື່ມອີກ ຊຸກຍູ້ຄວາມທັນສະໄໝແບບຈີນ”. ວົງການຕ່າງໆຂອງສັງຄົມເຂດຮົງກົງແລະເຂດມາເກົາ, ນັກທຸລະກິດແລະພີ່ນ້ອງຮ່ວມຊາດໄຕ້ຫວັນຢູ່ແຜ່ນດິນໃຫຍ່ຈີນລ້ວນແຕ່ໄດ້ຮັບການລະດົມໃຈຢ່າງເລິກເຊິ່ງແລະມີກຳລັງໃຈເພີ່ມຂຶ້ນ, ໂດຍກ່າວວ່າຈະຕັ້ງໜ້າກຳໂອກາດໃໝ່ທີ່ສຳຄັນແຫ່ງການພັດທະນາປະເທດ, ເຊື່ອມໂຍງເຂົ້າໃນມະຫາພາກແຫ່ງການພັດທະນາປະເທດແລະກະແສໃຫຍ່ການປະຕິຮູບແລະເປີດປະຕູສູ່ພາຍນອກຮອບໃໝ່ຢ່າງດີກວ່າເກົ່າ, ປະກອບສ່ວນເຂົ້າໃນການສ້າງສາຄວາມທັນສະໄໝແບບຈີນ, ຮ່ວມກັນສ້າງພາລະກິດທີ່ຍິ່ງໃຫຍ່ແຫ່ງການຟື້ນຟູຄວາມຈະເລີນຮຸ່ງເຮືອງຂອງປະຊາຊາດຈີນ.