ວັນທີ 27 ກໍລະກົດນີ້, ໃນເວລາເຂົ້າຮ່ວມກິດຈະກຳຕ່າງໆຢູ່ປະເທດຣູມານີ, ທ່ານໂອບັນ ວິກໂທ ນາຍົກລັດຖະມົນຕີຮົງກາຣີກ່າວວ່າ, ປັດຈຸບັນ, ປະເທດເອີຣົບວາງນະໂຍບາຍຢ່າງບໍ່ມີເຫດຜົນ, ໂດຍຖືອາເມຣິກາເປັນຫຼັກ. ຖ້າຫາກສະຖານະການມີການປ່ຽນແປງ, ນະໂຍບາຍແບບນີ້ຈະເຮັດໃຫ້ເອີຣົບປະສົບຜົນຮ້າຍຢ້ອນຫຼັງຢ່າງໜັກໜ່ວງ.

ທ່ານໂອບັນກ່າວວ່າ, ປັດຈຸບັນ, ຄວາມບໍ່ໝັ້ນທ່ຽງທີ່ເກີດຂຶ້ນຍ້ອນການແບ່ງແຍກຂອງປະເທດຕາເວັນຕົກຈຶ່ງແມ່ນບັນຫາສຳຄັນກວ່າໝູ່, ສື່ມວນຊົນຕາເວັນຕົກພັດຫຼີກເວັ້ນບໍ່ລາຍງານ, ຫັນໄປໂຄສະນາແຕ່ໄພຂົ່ມຂູ່ຈາກຣັດເຊຍຫຼາຍເກີນໄປ.

ທ່ານໂອບັນຍັງກ່າວວ່າ, ກ່ອນໜ້ານີ້, ລັດຖະມົນຕີປ້ອງກັນປະເທດຂອງອາເມຣິກາແລະຣັດເຊຍຟື້ນຟູການເຈລະຈາຄືນໃໝ່ ແລະລັດຖະມົນຕີກະຊວງການຕ່າງປະເທດອູແກຣນຢ້ຽມຢາມຈີນ ລ້ວນແຕ່ໄດ້ສົ່ງສັນຍານທີ່ສະແດງໃຫ້ເຫັນວ່າ, ທ່າທີຂອງຝ່າຍຕ່າງໆທີ່ມີຕໍ່ການປະທະກັນລະຫວ່າງຣັດເຊຍກັບອູແກຣນ ກຳລັງຄ່ອຍໆປ່ຽນແປງ. ຖ້າວ່າຍັງຍຶດໝັ້ນປະຕິບັດຕາມນະໂຍບາຍໃນເມື່ອກ່ອນ, ເອີຣົບອາດຈະປະສົບຜົນຮ້າຍຢ້ອນຫຼັງຢ່າງໜັກໜ່ວງທີ່ເກີດຂຶ້ນຍ້ອນການປະລາໄຊ.