ວັນທີ 28 ກໍລະກົດນີ້, ກອງບັນຊາການສູນກາງອາເມຣິກາໄດ້ອອກຖະແຫຼງການວ່າ: ກຳປັ່ນບັນທຸກເຮືອບິນ USS Theodore Roosevelt ຂອງອາເມຣິກາໄດ້ຖືກສົ່ງໄປສູ່ເຂດສູ້ຮົບຂອງກອງກຳປັ່ນທີ 5 ອາເມຣິກາ.

ເຂດສູ້ຮົບດັ່ງກ່າວໄດ້ປົກຄຸມເຂດທະເລປະມານ 2.500.000 ຕາຕະລາງໄມ ເຊິ່ງລວມທັງອ່າວອາຣັບ, ທະເລແດງ, ອ່າວໂອມານ, ອ່າວອາເດນ, ທະເລອາຣັບ ແລະ ພາກສ່ວນໜຶ່ງຂອງມະຫາສະໝຸດອິນເດຍ.

ກຳປັ່ນບັນທຸກເຮືອບິນ USS Dwight David Eisenhower ຂອງກອງທັບອາເມຣິກາທີ່ຖືກສົ່ງໄປໃນເຂດທະເລດັ່ງກ່າວກ່ອນໜ້ານັ້ນໄດ້ຖອນອອກຈາກທະເລແດງ ແລະ ກັບຄືນສູ່ອາເມຣິກາແລ້ວໃນວັນທີ 22 ມິຖຸນາປີນີ້.