ວັນທີ 29 ກໍລະກົດນີ້, ເຈົ້າໜ້າທີ່ອົງການສືບສວນສະຫະລັດອາເມຣິກາ ຫຼື FBI ກ່າວວ່າ: ທ່ານໂດໂນ ທຣຳ ອະດີດປະທານາທິບໍດີເຫັນດີຕອບການສອບຖາມຂອງ FBI ໃນຖານະເປັນຜູ້ຖືກເຄາະຮ້າຍໃນເຫດການລອບສັງຫານແຕ່ບໍ່ສຳເລັດ ເຊິ່ງເຫດການໄດ້ເກີດຂຶ້ນຢູ່ໃນງານໂຮມຊຸມນຸມຫາສຽງແຂ່ງຂັນເລືອກຕັ້ງໃນວັນທີ 13 ກໍລະກົດນີ້.

ເຈົ້າໜ້າທີ່ທ່ານນີ້ກ່າວວ່າ: ການສອບຖາມຕໍ່ທ່ານໂດໂນ ທຣຳຈະຄືກັນກັບການສອບຖາມຕໍ່ຜູ້ຖືກເຄາະຮ້າຍໃນຄະດີອື່ນໆ.

ວັນທີ 13 ກໍລະກົດນີ້, ທ່ານໂດໂນ ທຣຳ ຖືກລອບສັງຫານແຕ່ບໍ່ສຳເລັດໃນຂະນະທີ່ຈັດງານໂຮມຊຸມນຸມຫາສຽງແຂ່ງຂັນເລືອກຕັ້ງຢູ່ລັດເບນຊິວວາເນຍ, ແຕ່ຫູເບື້ອງຂວາຂອງທ່ານຖືກບາດເຈັບຈາກເຫດການທີ່ເກີດຂຶ້ນໃນຄັ້ງນີ້.