ວັນທີ 30 ກໍລະກົດຜ່ານມາ, ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມ ໂດຍໄດ້ວິເຄາະສະຖານະການເສດຖະກິດໃນປັດຈຸບັນ, ຈັດວາງວຽກງານເສດຖະກິດໃນ 6 ເດືອນທ້າຍປີນີ້ ແລະ ສຳຫຼວດພິຈາລະນາ “ບາງຂໍ້ກຳນົດແຫ່ງການດັດແກ້ລັດທິຮູບແບບ ເພື່ອຫຼຸດຄວາມຫາບແບບຂອງຂັ້ນຮາກຖານ”. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກເປັນປະທານກອງປະຊຸມ.

ກອງປະຊຸມຊີ້ອອກວ່າ, ໜ້າທີ່ປະຕິຮູບ, ພັດທະນາ ແລະ ຮັກສາຄວາມໝັ້ນຄົງໃນ 6 ເດືອນທ້າຍປີຍັງໜັກໜາຫຼາຍ, ຕ້ອງຈັດຕັ້ງປະຕິບັດຈິດໃຈກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 20 ຂອງພັກ, ກອງປະຊຸມຄົບຄະນະຄັ້ງທີ 2 ແລະ ຄັ້ງທີ 3 ຂອງຄະນະກຳມະການສູນກາງພັກສະໄໝທີ 20, ຍຶດໝັ້ນພັດທະນາວຽກງານຢ່າງໜັກແໜ້ນ, ຜັນຂະຫຍາຍແນວຄວາມຄິດພັດທະນາໃໝ່ຢ່າງຄົບຖ້ວນ, ຖືກຕ້ອງ ແລະ ຮອບດ້ານ, ເລັ່ງສ້າງສະພາບການພັດທະນາໃໝ່, ພັດທະນາກຳລັງການຜະລິດໃນຄຸນນະພາບໃໝ່ຕາມສະພາບຕົວຈິງຂອງແຕ່ລະທ້ອງຖິ່ນ, ສຸມໃສ່ການພັດທະນາດ້ວຍຄຸນນະພາບສູງ, ລົງເລິກການປະຕິຮູບຢ່າງຮອບດ້ານຕື່ມອີກ ໂດຍປິ່ນອ້ອມຄວາມທັນສະໄໝແບບຈີນ, ເພີ່ມຄວາມແຮງດ້ານການດັດສົມມະຫາພາກ, ລົງເລິກການຂັບເຄື່ອນການພັດທະນາດ້ວຍການປະດິດສ້າງໃໝ່, ຂຸດຄົ້ນຄວາມຕ້ອງການຂອງພາຍໃນ, ຮັບປະກັນ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງແທ້ຈິງ, ປົກປັກຮັກສາສະຖຽນລະພາບທາງສັງຄົມ ແລະ ສຳເລັດເປົ້າໝາຍແລະໜ້າທີ່ການພັດທະນາດ້ານເສດຖະກິດສັງຄົມໃນໝົດປີຢ່າງເດັດດ່ຽວໜຽວແໜ້ນ.