ຕອນບ່າຍວັນທີ 30 ກໍລະກົດນີ້, ທ່ານມາຊູດ ເປເຊັສຄຽນທີ່ໄດ້ຮັບການເລືອກຕັ້ງເປັນປະທານາທິບໍດີອີຣານໄດ້ສາບານຕົວດຳລົງຕຳແໜ່ງ ຢ່າງເປັນທາງການຢູ່ລັດຖະສະພາອີຣານ.

ມື້ດຽວກັນ, ໃນເວລາກ່າວປາຖະກະຖາພາຍຫຼັງດຳລົງຕຳແໜ່ງ, ທ່ານມາຊູດ ເປເຊັສຄຽນໃຫ້ຄຳໝັ້ນສັນຍາວ່າ ລັດຖະບານຊຸດໃໝ່ຈະສຸມໃສ່ການພັດທະນາແບບຍືນຍົງ ເພີ່ມທະວີກຳລັງດ້ານເສດຖະກິດ ແລະ ຍົກສູງລະດັບຊີວິດການເປັນຢູ່ຂອງປະຊາຊົນອີຣານເປັນວຽກງານບຸລິມະສິດ, ພ້ອມທັງອອກແຮງປົກປັກຮັກສາກຽດສັກສີ ແລະ ຜົນປະໂຫຍດຂອງອີຣານໃນເວທີສາກົນ, ພະຍາຍາມບັນລຸຄວາມຮັບຮູ້ທີ່ເປັນເອກະພາບກັນລະຫວ່າງພັກການເມືອງຕ່າງໆພາຍໃນປະເທດອີຣານ.