ຂໍ້ມູນຈາກພະແນກທ່ອງທ່ຽວປາຣີສະແດງໃຫ້ເຫັນວ່າ: ໃນໄລຍະຈັດງານກິລາໂອລິມປິກ ແລະ ງານກິລາໂອລິມປິກຄົນພິການປາຣີ 2024, ຄາດວ່າຈະມີ 15.300.000 ຄົນເດີນທາງໄປຢ້ຽມຢາມປາຣີ, ໃນນັ້ນ, ມີ 11.300.000 ຄົນຕັ້ງໃຈເດີນທາງໄປສະເພາະເພື່ອງານກິລາໂອລິມປິກໃນຄັ້ງນີ້. ໃນນັ້ນ, ມີ 86,7% ແມ່ນນັກທ່ອງທ່ຽວພາຍໃນປະເທດຝຣັ່ງ.

ອີງຕາມຂໍ້ມູນທີ່ກ່ຽວຂ້ອງໃຫ້ຮູ້ຕື່ມອີກວ່າ: ໃນໜຶ່ງອາທິດກ່ອນ ແລະ ຫຼັງພິທີໄຂງານກິລາໂອລິມປິກໃນຄັ້ງນີ້, ປະລິມານການຈອງປີ້ຍົນຈາກຈີນໄປຝຣັ່ງໄດ້ເພີ່ມຂຶ້ນປະມານ 1 ເທົ່າເມື່ອທຽບໃສ່ໄລຍະດຽວກັນຂອງປີກາຍ, ການຈອງໂຮງແຮມຢູ່ຕົວເມືອງໃຈກາງຂອງປາຣີໄດ້ເພີ່ມຂຶ້ນຫຼາຍກວ່າ 4 ເທົ່າເມື່ອທຽບໃສ່ໄລຍະດຽວກັນຂອງປີກາຍ. ອາດຈະແມ່ນຍ້ອນສາເຫດງານກິລາໂອລິມປິກໃນຄັ້ງນີ້, ເຮັດໃຫ້ພົນລະເມືອງປາຣີຢູ່ໃນປາຣີໃນຕົ້ນເດືອນກໍລະກົດປີນີ້ມີຫຼາຍກວ່າປີກາຍ 4%.