ວັນທີ 31 ກໍລະກົດທີ່ຜ່ານມາ, ກອງປະຊຸມເຈົ້າໜ້າທີ່ອາວຸໂສຄັ້ງທຳອິດຂອງໜ່ວຍງານຮ່ວມມືຕ້ານຢາເສບຕິດຈີນ-ອາເມຣິກາໄດ້ຈັດຂຶ້ນຢູ່ອາເມຣິກາ. ຄະນະຜູ້ແທນຕ້ານຢາເສບຕິດທີ່ມາຈາກຫຼາຍພາກສ່ວນຂອງຈີນ-ອາເມຣິກາໄດ້ເຂົ້ມຮ່ວມກອງປະຊຸມຄັ້ງນີ້. ໃນໄລຍະດຳເນີນກອງປະຊຸມ, ສອງຝ່າຍໄດ້ແຈ້ງສະພາບຄວາມຄືບໜ້າກ່ຽວກັບວຽກງານໃນຂົງເຂດຕ່າງໆ ເຊັ່ນ: ການຂຶ້ນບັນຊີ ວັດຖຸຕ້ອງຫ້າມ, ການຮ່ວມມືແກ້ໄຂຄະດີ, ການແລກປ່ຽນເຕັກນິກ, ການຮ່ວມມືຫຼາຍຝ່າຍ, ການກຳຈັດຂໍ້ມູນດ້ານໂຄສະນາທາງອິນເຕີເນັດ ແລະອື່ນໆ, ທັງໄດ້ແລກປ່ຽນຄວາມຄິດເຫັນກ່ຽວກັບບັນຫາທີ່ສົນໃຈຂອງໃຜລາວ, ແລກປ່ຽນຄວາມເຫັນ ແລະ ຂໍ້ສະເໜີ, ກຳນົດແນວທາງການຮ່ວມມືຢ່າງຈະແຈ້ງກວ່າເກົ່າ. ສອງຝ່າຍເຫັນດີວ່າ ຢູ່ບົນພື້ນຖານທີ່ “ເຄົາລົບເຊິ່ງກັນແລະກັນ ຄຸ້ມຄອງ-ຄວບຄຸມຄວາມເຫັນທີ່ຂັດແຍ້ງກັນ ແລະ ຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດ”, ຈະເພີ່ມທະວີການສົນທະນາ ແລະ ການແລກປ່ຽນໃນຂົງເຂດຕ້ານຢາເສບຕິດຕື່ມອີກ, ຮ່ວມກັນຊຸກຍູ້ການຮ່ວມມືຕ້ານຢາເສບຕິດຈີນ-ອາເມຣິກາໃຫ້ລົງເລິກຫຼາຍກວ່າເກົ່າ, ແລະ ຮ່ວມກັນຮັບມືກັບບັນຫາຢາເສບຕິດໃນທົ່ວໂລກ.

ໃນໄລຍະທີ່ຢ້ຽມຢາມອາເມຣິກາ, ຄະນະຜູ້ແທນຈີນຍັງໄດ້ແລກປ່ຽນຄວາມ ເຫັນລະຫວ່າງສອງຝ່າຍກັບຄະນະຈາກຫ້ອງການນະໂຍບາຍຕ້ານຢາເສບຕິດແຫ່ງຊາດຂອງທຳນຽບຂາວ ກົມວຽກງານປະຕິບັດກົດໝາຍຕ້ານຢາເສບຕິດກະຊວງການຕ່າງປະເທດອາເມຣິກາ, ກະຊວງຍຸຕິກຳ, ກະຊວງປ້ອງກັນຄວາມໝັ້ນຄົງແຫ່ງຊາດ, ອົງການປາບປາມຢາເສບຕິດ ແລະ ພາກສ່ວນອື່ນໆ, ພ້ອມທັງຈະລົງເລິກເປິກສາຫາລືກ່ຽວກັບຄະດີສຳຄັນກັບຜູ້ດຳເນີນຄະດີຢູ່ຮາກຖານຂອງຫ້ອງການປາບປາມຢາເສບຕິດປະຈຳຊານຟຣານຊິສໂກ.