ເມື່ອບໍ່ດົນມານີ້, ຍ້ອນພາກພື້ນຕາເວັນອອກກາງມີຄວາມສ່ຽງດ້ານການປະທະກັນທາງທະຫານສູງຂຶ້ນ, ຫຼາຍປະເທດໄດ້ອອກແຈ້ງເຕືອນຕໍ່ການໄປທ່ຽວພາກພື້ນຕາເວັນອອກກາງ, ບໍລິສັດການບິນບາງແຫ່ງໄດ້ຢຸດການໃຫ້ບໍລິການຖ້ຽວບິນໄປອິດສະຣາແອນ ແລະ ປະເທດອື່ນໆ. ວັນທີ 2 ສິງຫານີ້, ກະຊວງການຕ່າງປະເທດໂປໂລຍໄດ້ອອກຖະແຫຼງການ ໂດຍເຕືອນໃຫ້ພົນລະເມືອງປະເທດຕົນຢ່າໄປລີບັງ, ອິດສະຣາແອນ ແລະ ອີຣານ. ອີງຕາມສຳນັກຂ່າວໂປໂລຍລາຍງານວ່າ: ບໍລິສັດການບິນໂປໂລຍໄດ້ປະກາດຍົກເລີກຖ້ຽວບິນ 8 ຖ້ຽວທີ່ໄປລີບັງ ແລະ ອິດສະຣາແອນ. ວັນທີ 2 ສິງຫານີ້, ກະຊວງການຕ່າງປະເທດຝຣັ່ງກໍໄດ້ເຕືອນຕໍ່ພົນລະເມືອງຂອງປະເທດຈົນ “ຢ່າໄປອີຣານບໍ່ວ່າດ້ວຍສາເຫດໃດ”, ພ້ອມທັງສະເໜີໃຫ້ນັກທ່ອງທ່ຽວຊາວຝຣັ່ງທີ່ກຳລັງທ່ຽວຢູ່ອີຣານນັ້ນຈົ່ງ “ເດີນທາງອອກຈາກອີຣານໂດຍໄວ”.

ກ່ອນໜ້ານີ້, ລັດຖະບານຂອງຫຼາຍປະເທດ ເຊັ່ນ ອາເມຣິກາ, ອັງກິດ, ເຢຍລະມັນເປັນຕົ້ນ ໄດ້ອອກແຈ້ງເຕືອນດ້ານການທ່ອງທ່ຽວຕໍ່ພົນລະເມືອງປະເທດຕົນ ໂດຍເຕືອນໃຫ້ເຂົາເຈົ້າເດີນທາງອອກຈາກ ຫຼື ຫຼີກເວັ້ນການໄປລີບັງ. ບໍລິສັດການບິນຫຼາຍແຫ່ງກໍໄດ້ປະກາດຢຸດບໍລິການຖ້ຽວບິນໄປ-ກັບນະຄອນເຕລາວິບຂອງອິດສະຣາແອນ.