ດ່ານພາສີນະຄອນນານນິງເຂດປົກຄອງຕົນເອງເຜົ່າຈ້ວງກວາງຊີຈີນເປີດເຜີຍໃຫ້ຮູ້ວ່າ: ໃນ 6 ເດືອນຕົ້ນປີ 2024 ນີ້, ມູນຄ່າການຄ້າລະຫວ່າງເຂດກວາງຊີກັບປະເທດອາຊຽນໄດ້ບັນລຸເຖິງ 185,62 ຕື້ຢວນ, ໄດ້ສ້າງສະຖິຕິໃໝ່ເມື່ອທຽບໃສ່ໄລຍະດຽວກັນໃນປະຫວັດສາດ, ຖ້າທຽບກັບໄລຍະດຽວກັນຂອງປີກາຍນີ້ໄດ້ເພີ່ມຂຶ້ນ 26,7%.

ຄຽງຄູ່ກັບຕ່ອງໂສ້ອຸດສາຫະກຳ ແລະ ຕ່ອງໂສ້ການສະໜອງຂອງສອງຝ່າຍໄດ້ເຊື່ອມໂຍງເຂົ້າກັນແໜ້ນແຟ້ນຂຶ້ນຢ່າງບໍ່ຢຸດຢັ້ງ, ມູນຄ່ານຳເຂົ້າ-ສົ່ງອອກຜະລິດຕະພັນກາງ ເຊິ່ງເປັນຜະລິດຕະພັນສຳລັບການຜະລິດສິນຄ້າ ຫຼື ການບໍລິການອື່ນໆ ໄດ້ບັນລຸເຖິງ 92,12 ຕື້ຢວນ, ເພີ່ມຂຶ້ນ 36,8%. ຜະລິດຕະພັນທີ່ເຂດກວາງຊີຈີນນຳເຂົ້າຈາກປະເທດອາຊຽນສ່ວນຫຼາຍແມ່ນຜະລິດຕະພັນກະສິກຳ, ໄດ້ເພີ່ມຂຶ້ນ 0,7%, ສ່ວນສິນຄ້າທີ່ເຂດກວາງຊີສົ່ງອອກໄປປະເທດອາຊຽນສ່ວນຫຼາຍແມ່ນຜະລິດຕະພັນກົນຈັກໄຟຟ້າ, ໃນນັ້ນການສົ່ງອອກເຄື່ອງໃຊ້ໄຟຟ້າໃນເຮືອນໄດ້ເພີ່ມຂຶ້ນ 67,4%, ໝໍ້ໄຟລິດທຽມໄດ້ເພີ່ມຂຶ້ນ 225,5% ແລະ ການສົ່ງອອກລົດໄດ້ເພີ່ມຂຶ້ນ 20,1%.