ວັນທີ 2 ສິງຫານີ້, ການຫັດແອບຝຶກຊ້ອມຮ່ວມຕ້ານການກໍ່ການຮ້າຍລະຫວ່າງຈີນ-ຫວຽດນາມພາຍໃຕ້ລະຫັດ “ການຮ່ວມມື-2024” ທີ່ດຳເນີນມາເປັນເວລາ 2 ອາທິດໄດ້ສິ້ນສຸດລົງຢູ່ສະໜາມຝຶກຊ້ອມແຫ່ງໜຶ່ງຂອງເຂດປົກຄອງຕົນເອງເຜົ່າຈ້ວງກວາງຊີຈີນ.

ການຫັດແອບຝຶກຊ້ອມຮ່ວມ)ຄັ້ງນີ້ແມ່ນກອງຕຳຫຼວດປະກອບອາວຸດປະຊາຊົນຈີນກັບກອງຕຳຫຼວດເຄື່ອນໄຫວໄວຂອງກະຊວງປ້ອງກັນຄວາມສະຫງົບຫວຽດນາມໄດ້ຈັດຂຶ້ນເປັນຄັ້ງທຳອິດ ເພື່ອຮ່ວມກັນປາບປາມການກໍ່ການຮ້າຍດ້ວຍຄວາມຮຸນແຮງ.

ພາຍໃນສອງອາທິດຜ່ານມາ, ສອງຝ່າຍຈີນ-ຫວຽດນາມໄດ້ດຳເນີນການຫັດແອບຝຶກຊ້ອມ 7 ປະເພດໃຫຍ່ ລວມທັງໝົດ 27 ລາຍການ ເປັນຕົ້ນ: ການແລກປ່ຽນ ແລະ ສຳມະນາ, ການຝຶກຊ້ອມບັນຊາການ, ການຝຶກຊ້ອມທັກສະດ້ານການທະຫານ, ການຝຶກຊ້ອມທາງນ້ຳ, ການຝຶກຊ້ອມການປະສານງານດ້ານຍຸດທະວິທີສູ້ຮົບ, ການຝຶກຊ້ອມຫົວຂໍ້ສະເພາະ ແລະ ການຫັດແອບຝຶກຊ້ອມຮ່ວມຕ້ານການກໍ່ການຮ້າຍສັງລວມ.

ຕາມຂ່າວແຈ້ງວ່າ: ການຝຶກຊ້ອມຮ່ວມຄັ້ງນີ້ໄດ້ຈັດຕັ້ງປະຕິບັດ ດ້ວຍຮູບແບບທີ່ຈັດໜ່ວຍຝຶກຊ້ອມແບບປະສົມ, ການຄົ້ນຄວ້າ ແລະ ຝຶກຊ້ອມແບບແບ່ງໜ່ວຍ ແລະ ດຳເນີນການຝຶກຊ້ອມໄປພ້ອມກັນ, ເພື່ອເພີ່ມທະວີການຮ່ວມມືຢ່າງໄວ້ເນື້ອເຊື່ອໃຈກັນລະລະຫວ່າງສອງຝ່າຍ ແລະ ຍົກສູງຄວາມສາມາດຮ່ວມກັນຕ້ານການກໍ່ການຮ້າຍ.