ວັນທີ 5 ສິງຫານີ້ ທະຫານສາທາລະນະລັດນີເຊໄດ້້ອອກປະກາດແຈ້ງການວ່າ: ທະຫານອາເມຣິກາໄດ້ປິດຖານທັບທາງອາກາດຢູ່ເມືອງອາກາເດັສທີ່ພາກເໜືອຂອງນີເຊໃນມື້ດຽວກັນ. ນີ້ເປັນຂີດໝາຍສະແດງໃຫ້ເຫັນວ່າອາເມຣິກາໄດ້ສຳເລັດການຖອນທະຫານອອກຈາກນີເຊແລ້ວ.

ປະກາດແຈ້ງການລະບຸວ່າ: ພິທີປິດຖານທັບອາກາດຢູ່ເມືອງອາກາເດັສຂອງທະຫານອາເມຣິກາໄດ້ຮັບການຈັດຂຶ້ນໃນວັນທີ 5 ສິງຫານີ້, ເຈົ້າໜ້າທີ່ການທະຫານຂອງນີເຊແລະອາເມຣິກາໄດ້ເຂົ້າຮ່ວມພິທີດັ່ງກ່າວ.

ອາເມຣິກາເລີ່ມສົ່ງທະຫານເຂົ້າມາປະຈຳຢູ່ນີເຊຕັ້ງປີ 2013 ເປັນຕົ້ນມາ, ຖານທັບສອງແຫ່ງຢູ່ນີເຊຂອງອາເມຣິກາແມ່ນຖານທັບທາງອາກາດ 101 ທີ່ນະຄອນຫຼວງນີອາມີເນຍເມແລະຖານທັບອາກາດ 201 ທີ່ເມືອງອາກາເດັສ, ໄດ້ມີທະຫານປະຈຳການເກືອບພັນຄົນ.