ວັນທີ 5 ສິງຫານີ້ ທ່ານຈາຍຈູ້ນ ທູດພິເສດບັນຫາຕາເວັນອອກກາງຂອງລັດຖະບານຈີນໄດ້ໂອ້ລົມກັນທາງໂທລະສັບທ່ານບຣູອັນຮາດ ທູດພິເສດວຽກງານຕາເວັນອອກກາງຂອງສະວິສຕາມການນັດໝາຍ, ທ່ານຈາຍຈູ້ນກ່າວວ່າ: ຍິນດີຮ່ວມກັບສະວິສ ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ສັນຕິພາບແລະສະຖຽນລະພາບຂອງພາກພື້ນ.

ທ່ານບຣູອັນຮາດໄດ້ສະແດງຄວາມຍ້ອງຍໍຊົມເຊີຍຈີນທີ່ໄດ້ດຳເນີນການໄກ່ເກ່ຍເຮັດໃຫ້ 14 ຝ່າຍຂອງປາແລັດສະຕິນຈັດການສົນທະນາຢູ່ຈີນເພື່ອສ້າງຄວາມປອງດອງກັນແລະໄດ້ຮ່ວມກັນລົງນາມໃນ “ຖະແຫຼງການປັກກິ່ງກ່ຽວກັບການສິ້ນສຸດການແບ່ງແຍກແລະເພີ່ມທະວີຄວາມສາມັກຄີຂອງຊົນຊາດປາແລັດສະຕິນ”ພ້ອມທັງກ່າວເນັ້ນວ່າ: ສະວິສມີຫຼັກໝັ້ນອັນດຽວກັບຈີນກ່ຽວກັບບັນຫາສ້າງຄວາມປອງດອງກັນພາຍໃນປາແລັດສະຕິນ, ຫວັງວ່າຈະຮັກສາການແລກປ່ຽນກັບຈີນກ່ຽວກັບເລື່ອງນີ້.