ວັນທີ 5 ສິງຫານີ້ ທ່ານໄຕ້ປີ່ງ ຮອງຜູ້ຕາງໜ້າຖາວອນຈີນປະຈຳອົງການສະຫະປະຊາຊາດຫຼື ສປຊ ກ່າວໃນເວລາທີ່ສະພາຄວາມໝັ້ນຄົງອົງການ ສປຊພິຈາລະນາກ່ຽວກັບບັນຫາຊູດັງຂອງສານອາຍາສາກົນວ່າ: ໃນເວລາທີ່ສານອາຍາສາກົນແກ້ໄຂຄະດີທີ່ກ່ຽວຂ້ອງກັບສະຖານະການຢູ່ເຂດດາຟູ, ຕ້ອງສືບຕໍ່ຍຶດໝັ້ນ “ກົດໝາຍໂຣມຂອງສານອາຍາສາກົນ” ແລະການມອບສິດຈາກສະພາຄວາມໝັ້ນຄົງ, ເຄົາລົບຢ່າງເຂັ້ມງວດຕໍ່ຫຼັກການຄວບຄຸມທີ່ມີລັກສະນະເພີ່ມຂຶ້ນຂອງບັນຫາ, ນຳໃຊ້ໜ້າທີ່ຄວາມຮັບຜິດຊອບຢ່າງເປັນເອກະລາດ, ພາວະວິໄສ, ຍຸຕິທຳແລະຊອບດ້ວຍກົດໝາຍ, ເຄົາລົບຕໍ່ອະທິປະໄຕດ້ານຕຸລາການແລະຄວາມເອົາໃຈໃສ່ຢ່າງສົມເຫດສົມຜົນຂອງຊູດັງຢ່າງເຕັມທີ່. ຈີນຫວັງວ່າໃນເວລາທີ່ສານອາຍາສາກົນແກ້ໄຂຄະດີເຄັ່ງຮ້ອນຂອງສາກົນແລະພາກພື້ນ, ຄວນຫຼີກເວັ້ນການຫັນເປັນບັນຫາການເມືອງແລະສອງມາດຕະຖານ, ນຳໃຊ້ກົດໝາຍສາກົນຢ່າງສະເໝີພາບກັນ, ເສີມຂະຫຍາຍບົດບາດທີ່ມີລັກສະນະສ້າງສັນຢ່າງແທ້ຈິງ.