ວັນທີ 6 ສິງຫານີ້ ທ່ານອາມາດູ ອາບູດູນລາມານ ໂຄສົກຂອງລັດຖະບານທະຫານນີເຊໄດ້ອອກຖະແຫຼງການຜ່ານທາງໂທລະພາບແຫ່ງຊາດວ່າ: ນີເຊປະກາດຕັດສາຍພົວພັນທາງການທູດກັບອູແກຣນນັບແຕ່ເວລານີ້ເປັນຕົ້ນໄປ.

ທ່ານອາມາດູ ອາບູດູນລາມານກ່າວປະນາມໃນຖະແຫຼງການຕໍ່ການສະໜັບສະໜູນ “ອົງການການກໍ່ການຮ້າຍ” ຈາກອູແກຣນ, ແລະຫວັງວ່າສະພາຄວາມໝັ້ນຄົງອົງການສະຫະປະຊາຊາດໃຫ້ການຕັດສິນຕໍ່ “ພຶດຕິກຳການຮຸກຮານ” ຂອງອູແກຣນ.