ວັນທີ 6 ສິງຫານີ້, ທ່ານ ເຊບັສ ຊາຣິຟ ນາຍົກລັດຖະມົນຕີປາກິດສະຖານກ່າວໃນເວລາໃຫ້ສຳພາດຕໍ່ນັກຂ່າວວິທະຍຸໂທລະພາບສູນກາງຈີນຫຼື CMG ຢູ່ສຳນັກງານນາຍົກລັດຖະມົນຕີປາກິດສະຖານທີ່ນະຄອນຫຼວງອິສລາມາບັດວ່າ: ກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກຄອມມູນິດຈີນສະໄໝທີ 20 ແມ່ນກອງປະຊຸມຄັ້ງໜຶ່ງທີ່ປະສົບຜົນສຳເລັດທີ່ສຸດ ເຊິ່ງສະແດງໃຫ້ເຫັນເຖິງວິໄສທັດໄລຍະຍາວແລະດີເລີດຂອງເລຂາທິການໃຫຍ່ສີຈິ້ນຜິງ. ປາກິດສະຖານແມ່ນໄດ້ຮັບຜົນປະໂຫຍດນຳ.

      ທ່ານ ເຊບັສ ຊາຣິຟ ໄດ້ຍ້ອງຍໍຫຼາຍເທື່ອວ່າ: ຜົນສຳເລັດດ້ານການພັດທະນາຂອງຈີນເປັນ “ສິ່ງມະຫັດສະຈັນ” ພ້ອມທັງໄດ້ຕີລາຄາສູງຕໍ່ຂໍ້ລິເລີ່ມການພັດທະນາທົ່ວໂລກທີ່ທ່ານ ສີຈິ້ນຜິງ ສະເໜີອອກ ແລະກ່າວວ່າ:ຄອງຄອຍລົງເລິກການຮ່ວມມືກັບຈີນ,ຖອດຖອນບົດຮຽນທີ່ກ້າວໜ້ານຳຈີນ ເພື່ອບັນລຸເປົ້າໝາຍການພັດທະນາຂອງປະເທດຕົນ. ທ່ານ ເຊບັສ ຊາຣິຟ ຍັງໄດ້ຕີລາຄາຢ່າງຕັ້ງໜ້າຕໍ່ມາດຕະການຕ່າງໆຂອງຈີນເຊັ່ນ: ການປັບປຸງກົນໄກເປີດປະຕູສູ່ພາຍນອກໃນລະດັບສູງໃຫ້ສົມບູນຂຶ້ນຕື່ມອີກ ແລະເຊື່ອໝັ້ນວ່າພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ,ຈີນແລະປາກິດສະຖານຈະກາຍເປັນແບບຢ່າງແຫ່ງການພັດທະນາ,ຄວາມຈະເລີນຮຸ່ງເຮືອງແລະສັນຕິພາບຂອງໂລກ.