ວັນທີ 8 ສິງຫານີ້, ໃນກອງປະຊຸມຖະແຫຼງຂ່າວທີ່ຈັດຂຶ້ນໂດຍສູນຂ່າວຫຼັກຂອງງານກິລາໂອລິມປິກປາຣີ, ທ່ານມາກ ອາດາມສ໌ ໂຄສົກຄະນະກຳມະການໂອລິມປິກສາກົນກ່າວວ່າ, ຄະນະກຳມະການໂອລິມປິກສາກົນຈະສືບຕໍ່ຮັກສາການຮ່ວມມືຢ່າງໃກ້ຊິດກັບອົງການຕ້ານການໃຊ້ສານກະຕຸ້ນໂລກ ຫຼື WADA ແລະຝ່າຍຕ່າງໆທີ່ກ່ຽວຂ້ອງ, ເພື່ອຮັບປະກັນໃຫ້ລະບົບຕ້ານການໃຊ້ສານກະຕຸ້ນໃນທົ່ວໂລກດຳເນີນງານຢ່າງເຂັ້ມແຂງ.

ຖະແຫຼງການທີ່ WADA ປະກາດໃນມື້ດຽວກັນລະບຸວ່າ: ໃນເວລາທີ່ອົງການຕ້ານການໃຊ້ສານກະຕຸ້ນອາເມຣິກາຕັ້ງໃຈຕິຕຽນອົງການຕ້ານການໃຊ້ສານກະຕຸ້ນປະເທດອື່ນດ້ວຍລະບຽບຕ້ານການໃຊ້ສານກະຕຸ້ນນັ້ນ, ແຕ່ຕົວເອງຊ້ຳພັດປິດບັງ, ເມີນເສີຍຕໍ່ການກະທຳທີ່ຝ່າຝືນກັບລະບຽບຕ້ານການໃຊ້ສານກະຕຸ້ນ, ຈົນວ່າມີນັກກິລາຄົນໜຶ່ງທີ່ຝ່າຝືນລະບຽບຢ່າງໜັກໜ່ວງ  ບໍ່ເຄີຍຖືກຫ້າມໃຫ້ເຂົ້າຮ່ວມການແຂ່ງຂັນຈັກເທື່ອ.