ຕອນຄ່ຳວັນທີ 8 ສິງຫານີ້, ລັດຖະບານຊົ່ວຄາວຂອງບັງກະລາເດັດທີ່ນຳພາໂດຍທ່ານມູຮຳມັດ ຢູນຸສ ນັກເສດຖະສາດໄດ້ສາບານຕົວຂຶ້ນຮັບຕຳແໜ່ງຢູ່ນະຄອນຫຼວງດາກາ.

ພິທີຂຶ້ນຮັບຕຳແໜ່ງໄດ້ດຳເນີນໄປພາຍໃຕ້ການນຳພາຂອງທ່ານໂມຮຳເມັດ ຊາຮາບຸດດີນ ຈູປູ ປະທານາທິບໍດີບັງກະລາເດັດ. ລັດຖະບານຊົ່ວຄາວລວມມີທ່ານມູຮຳມັດ ຢູນຸສ ຫົວໜ້າທີ່ເປິກສາ (ເທົ່າກັບນາຍົກລັດຖະມົນຕີ)ແລະຄະນະທີ່ເປິກສາ 16 ທ່ານ. ທ່ານມູຮຳມັດ ຢູນຸສໄດ້ກ່າວຄຳປາໄສໃນຕອນບ່າຍມື້ດຽວກັນວ່າ: ການປົກປັກຮັກສາກົດໝາຍແລະລະບຽບການແມ່ນໜ້າທີ່ສຳຄັນທີ່ສຸດ, ລັດຖະບານຊົ່ວຄາວຈະເຮັດໃຫ້ບັງກະລາເດັດພັດທະນາກ້າວໄປຂ້າງໜ້າຢ່າງຕໍ່ເນື່ອງ.