ໃນຕອນເຊົ້າວັນທີ 9 ສິງຫານີ້, ຫ້ອງວ່າການສຳນັກງານນາຍົກລັດຖະມົນຕີອິດສະຣາແອນໄດ້ອອກຖະແຫຼງການວ່າ: ອິດສະຣາແອນເຫັນດີຟື້ນຟູການເຈລະຈາກ່ຽວກັບການຢຸດຍິງຢູ່ເຂດກາຊາ, ແລະມີແຜນໄປສົ່ງຄະນະຜູ້ແທນໄປເຈລະຈາໃນວັນທີ 15 ສິງຫານີ້.

ຖະແຫຼງການຂຽນວ່າ: ອິດສະຣາແອນຈະສົ່ງຄະນະຜູ້ແທນໄປເຈະລະຈາແຕ່ສະຖານທີ່ຍັງບໍ່ທັນໄດ້ກຳນົດເທື່ອແລະຈະເປິກສາຫາລືລາຍລະອຽດການຈັດຕັ້ງປະຕິບັດສັນຍາຂອບ.

ຕອນຄ່ຳວັນທີ 8 ສິງຫານີ້, ຜູ້ນຳຂອງກາຕາ, ເອຢິບແລະອາເມຣິກາໄດ້ກ່າວໃນຖະແຫຼງການຮ່ວມສະບັບໜຶ່ງວ່າ: ຜູ້ນຳສາມປະເທດຮຽກຮ້ອງໃຫ້ອິດສະຣາແອນແລະຂະບວນຕໍ່ຕ້ານອິດສະຣາມິກປາແລັດສະຕິນຫຼືກຸ່ມຮາມັສຟື້ນຟູການເຈລະຈາຢູ່ນະຄອນຫຼວງໂດຮາຂອງກາຕາຫຼືນະຄອນຫຼວງເລີແກຂອງເອຢິບໃນວັນທີ 15 ສິງຫານີ້, ເພື່ອເປິກສາຫາລືກ່ຽວກັບຄວາມຂັດແຍ້ງທີ່ຍັງມີຢູ່ທັງໝົດແລະປະຕິບັດຕາມສັນຍາໃນທັນທີ.