ໃນຜົນການຢັ່ງປະຊາມະຕິທາງອິນເຕີເນັດ ທີ່ໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ຫຼື CMG ສະແດງໃຫ້ເຫັນວ່າ: ມີຜູ້ເຂົ້າຮ່ວມຕອບແບບສຳພາດໃນທົ່ວໂລກເຖິງ 95,57% ເຫັນວ່າ: ອົງການຕ້ານການນຳໃຊ້ສານກະຕຸ້ນຂອງອາເມຣິກາ ມີການກະທຳທີ່ປິດບັງຕໍ່ນັກກິລາອາເມຣິກາທີ່ຖືກສົງໄສວ່າໄດ້ນຳໃຊ້ສານກະຕຸ້ນ.

ທ້າວ ເອຣີຢອນ ໄນຕັນ ເຄີຍຖືກກວດພົບຢາທີ່ຖືກອົງການຕ້ານການນຳໃຊ້ສານກະຕຸ້ນສາກົນ ຫຼື WADA ເກືອດຫ້າມໃນເດືອນມີນາປີນີ້, ແຕ່ພັດບໍ່ຖືກອົງການຕ້ານການນຳໃຊ້ສານກະຕຸ້ນຂອງອາເມຣິກາລົງໂທດ ດ້ວຍຂໍ້ອ້າງຈາກການກິນອາຫານຊີ້ນຂອງທ້າວເອຣີຢອນ ໄນຕັນ ຖືກປົນເປື້ອນ. ໃນການສຳຫຼວດຄັ້ງນີ້, ມີຜູ້ຕອບການສຳພາດທົ່ວໂລກ 90,15% ເຫັນວ່າ: ການປິດບັງ ທ້າວ ເອຣີຢອນ ໄນຕັນຂອງອົງການຕ້ານການນຳໃຊ້ສານກະຕຸ້ນຂອງອາເມຣິກາ ໄດ້ທຳລາຍຄວາມຍຸດຕິທຳໃນການແຂ່ງຂັນກິລາຢ່າງໜັກໜ່ວງ; ມີຜູ້ຕອບການສຳພາດ 96,54% ໄດ້ກ່າວຕິຕຽນວ່າ, ນີ້ເປັນການກະທຳແບບສອງມາດຕະຖານຂອງອາເມຣິກາແທ້ໆ. ນອກນີ້, ຍັງມີຜູ້ຕອບການສຳພາດ 95,63% ໄດ້ສົງໄສອີກວ່າ, ນັກກິລາອາເມຣິກາຈະມີການລາຍງານສະພາບການແບບບໍ່ມີຄວາມຈິງຢ່າງຂະໜາດໃຫຍ່. ສິ່ງທີ່ຄວນເວົ້າເຖິງນັ້ນກໍຄື: ມີຜູ້ຕອບການສຳພາດ 96,23% ໄດ້ທວງໃຫ້ຍົກຄວາມຖີ່ຂອງການກວດສານກະຕຸ້ນຕໍ່ນັກກິລາອາເມຣິກາໃນໄລຍະຈັດງານກິລາໂອລິມປິກປາຣີຄັ້ງນີ້ ເພື່ອຄວາມໝັ້ນໃຈຕໍ່ການແຂ່ງຂັນແບບທ່ຽງທຳຕໍ່ກັບປະເທດອື່ນ.