ວັນທີ 9 ສິງຫານີ້, ໂຄສົກກະຊວງການຄ້າຈີນກ່າວວ່າ: ເພື່ອປົກປັກຮັກສາສິດ ແລະ ຜົນປະໂຫຍດດ້ານການພັດທະນາອຸດສາຫະກຳລົດໄຟຟ້າ ແລະ ການຮ່ວມມືເພື່ອຫັນເປັນແບບສີຂຽວຂອງໂລກ, ວັນທີ 9 ສິງຫານີ້, ຈີນໄດ້ກ່າວຟ້ອງສະຫະພາບເອີຣົບໃຊ້ມາດຕະການຕ້ານການອຸດໜູນຊົ່ວຄາວຕໍ່ລົດພະລັງງານໄຟຟ້າໂດຍຜ່ານກົນໄກແກ້ໄຂຂໍ້ຂັດແຍ້ງຂອງອົງການການຄ້າໂລກ ຫຼື WTO.

     ໂຄສົກຜູ້ນີ້ກ່າວວ່າ: ຂໍ້ຕົກລົງໃນການຕັດສິນຂັ້ນເບື້ອງຕົ້ນຂອງສະຫະພາບເອີລົບບໍ່ມີພື້ນຖານດ້ານມູນຄວາມຈິງ ແລະ ກົດໝາຍ, ໄດ້ຝ່າຝືນກັບກະຕິກາຂອງອົງການ WTO ຢ່າງໜັກໜ່ວງ, ສ້າງຜົນຮ້າຍຕໍ່ພາກສ່ວນໃຫຍ່ການຮ່ວມມືເພື່ອຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ. ຈີນຮຽກຮ້ອງໃຫ້ສະຫະພາບເອີຣົບແກ້ຄວາມຜິດພາດໃນທັນທີ, ຮ່ວມກັນຮັກສາການຮ່ວມມືດ້ານເສດຖະກິດ-ການຄ້າລະຫວ່າງຈີນ ກັບ ສະຫະພາບເອີຣົບ ພ້ອມທັງຄວາມໝັ້ນທ່ຽງຂອງຕ່ອງໂສ້ການຜະລິດ ແລະ ຕ່ອງໂສ້ການສະໜອງລົດພະລັງງານໄຟຟ້າ.