ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ສູນຂ່າວຂອງງານມະຫະກຳກິລາໂອລິມປິກປາຣີໃນວັນທີ 9 ສິງຫານີ້, ທ່ານ ໂທມັສ ບາກ ປະທານຄະນະກຳມະການໂອລິມປິກສາກົນກ່າວວ່າ: ອົງການຕ້ານການໃຊ້ສານກະຕຸ້ນໂລກຫຼື WADA ແມ່ນອົງການຊົງອິດທິພົນໃນການຮັບມືກັບບັນຫາສານກະຕຸ້ນ,ຄະນະກຳມະການໂອລິມປິກສາກົນມີຄວາມໄວ້ເນື້ອເຊື່ອໃຈຢ່າງເຕັມສ່ວນຕໍ່ອົງການດັ່ງກ່າວ.

      ກ່ຽວກັບການລາຍງານຂ່າວໃນຫວ່າງມໍ່ໆມານີ້ວ່າ:ອົງການຕ້ານການໃຊ້ສານກະຕຸ້ນອາເມຣິກາຫຼື USADA ອະນຸຍາດໃຫ້ນັກກິລາທີ່ຜິດລະບຽບໃນການໃຊ້ສານກະຕຸ້ນສືບຕໍ່ເຂົ້າຮ່ວມການແຂ່ງຂັນໂດຍມີເງື່ອນໄຂເປັນຜູ້ເກັບຂໍ້ມູນທາງພາຍໃນ,ພ້ອມທັງກ່າວປະນາມອົງການຕ້ານການໃຊ້ສານກະຕຸ້ນຂອງປະເທດອື່ນແລະການກະທຳອື່ນໆ. ທ່ານ ໂທມັສ ບາກ ໄດ້ໃຫ້ຄຳຕອບໃນມື້ດັ່ງກ່າວວ່າ: ກ່ຽວກັບບັນຫາຕ້ານການໃຊ້ສານກະຕຸ້ນ, WADA ມີອິດທິພົນ. ຄະນະກຳມະການໂອລິມປິກສາກົນໄດ້ມອບສິດໃຫ້ແກ່ອົງການກວດກາສານກະຕຸ້ນສາກົນຫຼື ITA ແລະ WADA ເພື່ອດຳເນີນວຽກງານຕ່າງໆ,ແຕ່ຈະບໍ່ແຊກແຊງເຂົ້າໃນວຽກງານກວດກາ. ຫວັງວ່າຝ່າຍທີ່ມີຜົນປະໂຫຍດກ່ຽວຂ້ອງກັບຂໍ້ຂັດແຍ້ງໃນຄັ້ງນີ້ສາມາດຕິດຕໍ່ແລກປ່ຽນນຳກັນ ເພື່ອຫາລືກ່ຽວກັບວິທີການແກ້ໄຂ,ຮັບປະກັນຄວາມຍຸຕິທຳແລະຄວາມທ່ຽງທຳ.