ຕາມຂ່າວແຈ້ງໃຫ້ຮູ້ວ່າ: ຫວ່າງບໍ່ດົນມານີ້, ເຮືອປະມົງ“ຟູຢາງ 266”ແລະ“ຟູ້ເສິ່ນ”ຂອງໄຕ້ຫວັນຈີນໄດ້ຖືກເຮືອຝ່າຍທາງການຍີ່ປຸ່ນຍຶດເອົາຕາມລຳດັບໂດຍອ້າງວ່າເຮືອໄຕ້ຫວັນໄດ້ລະເມີດກົດໝາຍການປະມົງ, ພາຍຫຼັງໄດ້ຈ່າຍເງິນປັບໄໝແລ້ວຈຶ່ງຖືກປ່ອຍ. ເຈົ້າໜ້າທີ່ໄຕ້ຫວັນເຫັນວ່າເຮືອປະມົງທີ່ກ່ຽວຂ້ອງໄດ້ລະເມີດກົດໝາຍການປະມົງຂອງຍີ່ປຸ່ນ.

     ກ່ຽວກັບເລື່ອງນີ້, ວັນທີ 9 ສິງຫານີ້, ໂຄສົກກະຊວງການຕ່າງປະເທດຈີນຕອບຄຳຖາມຂອງນັກຂ່າວວ່າ: ລັດຖະບານຈີນໃຫ້ຄວາມສຳຄັນສູງຕໍ່ການປົກປັກຮັກສາຜົນປະໂຫຍດທີ່ຊອບດ້ວຍກົດໝາຍຂອງຊາວປະມົງຈີນເຊິ່ງລວມທັງເຂດໄຕ້ຫວັນຈີນ. ອີງຕາມ“ສັນຍາວ່າດ້ວຍການປະມົງຈີນ-ຍີ່ປຸ່ນ”, ຝ່າຍຍີ່ປຸ່ນບໍ່ມີສິດຍຶດເຮືອປະມົງຈີນຢູ່ເຂດທະເລທີ່ກ່ຽວຂ້ອງ. ຈີນໄດ້ຕໍ່ວ່າຕໍ່ຂານຢ່າງເຄັ່ງຂຶມຕໍ່ຝ່າຍຍີ່ປຸ່ນ, ຮຽກຮ້ອງໃຫ້ຍີ່ປຸ່ນແກ້ຄວາມຜິດພາດໃນທັນທີ, ແລະໃຊ້ມາດຕະການຢ່າງບັງເກີດຜົນເພື່ອປ້ອງກັນບໍ່ໃຫ້ເກີດເຫດການແບບນີ້ອີກ.