ວັນທີ 9 ສິງຫານີ້ຕາມເວລາທ້ອງຖິ່ນ, ຍົນໂດຍສານລຳໜຶ່ງຂອງບໍລິສັດການບິນວໍພາສຂອງເບຼຊີນໄດ້ເກີດອຸບັດເຫດຕົກຢູ່ນະຄອນເວເນດູຂອງລັດຊາວປາວໂລທີ່ພາກຕາເວັນອອກສຽງໃຕ້ຂອງເບຼຊີນ, ຜູ້ໂດຍສານແລະຈຸບິນ 62 ຄົນໃນຍົນເສຍຊີວິດທັງໝົດ. ຕອນຄ່ຳຂອງວັນທີ 10 ສິງຫານີ້ຕາມເວລາທ້ອງຖິ່ນ, ພາກສ່ວນປ້ອງກັນທາງອາກາດທາງພົນລະເຮືອນຂອງລັດຊາວປາວໂລກ່າວວ່າ: ຊາກສົບຂອງຜູ້ເສຍຊີວິດ 62 ຄົນຖືກຄົ້ນພົບເຫັນທັງໝົດ.

ສູນສຳຫຼວດແລະປ້ອງກັນອຸບັດເຫດການບິນເບຼຊີນກ່າວວ່າ: ກັບດຳຂອງຍົນທີ່ເກີດອຸບັດເຫດໄດ້ຖືກສົ່ງໄປຫ້ອງທົດລອງຢູ່ນະຄອນຫຼວງບຼາຊີເລຍເພື່ອດຳເນີນການວິເຄາະ. ຜູ້ຊ່ຽວຊານຂອງບໍລິສັດຜະລິດຍົນ ATR ເຊິ່ງເປັນບໍລິສັດທີ່ຜະລິດຍົນທີ່ໄດ້ເກີດອຸບັດເຫດກໍໄດ້ເຂົ້າຮ່ວມການສຳຫຼວດຕໍ່ອຸບັດເຫດຄັ້ງນີ້ຢ່າງຮອບດ້ານ.

ບໍລິສັດຜະລິດຍົນ ATR ໄດ້ຮັບການສ້າງຕັ້ງຂຶ້ນໃນປີ 1981, ຍົນໂດຍສານ ATR72 ທີ່ໄດ້ເກີດອຸບັດເຫດຄັ້ງນີ້ແມ່ນໄດ້ບິນເປັນຄັ້ງທຳອິດໃນຊຸມ1980 , ໄດ້ເກີດອຸບັດເຫດຫຼາຍເທື່ອໃນຊຸມປີມໍ່ໆມານີ້.